/2022.03.29/ Сүхбаатар дүүргийн нэгдүгээр хороонд байрлах "Шонхор тауэр"-ын орчимд өчигдөр орой гурван эмэгтэй автомашинд мөргүүлж хүнд бэртсэн байна гэсэн дуудлага цагдаагийн байгууллагад иржээ.

Осол өчигдөр орой 22:59 цагийн орчимд гарсан байна. Бид энэ талаар Тээврийн цагдаагийн албанаас тодруулахад "мөргүүлсэн гурван эмэгтэй ГССҮТ рүү хүргэгдсэн бөгөөд одоогоор хүнд мэс засал хийлгэж байна гэсэн мэдээллийг бидэнд өгсөн.

Мөн тухайн иргэдийг мөргөсөн жолооч ямар нэг согтууруулах ундааны зүйл хэрэглээгүй, эрүүл байсан" гэсэн юм.