/2021.08.02/: Дундговь аймгийн "Сайхан-Овоо" сумын нутаг Онги голын 54.8 м урт төмөр бетон гүүрийн нээлт боллоо.
Зам, тээврийн хөгжлийн яамны захиалгаар уг гүүрийн зураг төслийг “ГБЭТ” ХХК зохиож, “Зам, Замын Байгууламж” ХХК барьсан бөгөөд Зам, тээврийн хөгжлийн төв ТӨҮГ техник, технологийн хяналт тавьж ажилласан байна.
260 м урт хайрган хучилттай авто зам, 130 м урт эргийн чулуун бэхэлгээ, 80 м урт далангийн налуугийн чулуун бэхэлгээтэй гүүрийг бүтээн байгуулахад 30 гаруй ажилтан оролцож 2 сарын дотор бүтээн байгуулалтын ажлыг хийж гүйцэтгэсэн байна.
Эх сурвалж: Зам, тээврийн хөгжлийн яам
