/2021.07.31/ ОХУ-ын Засгийн газар дотоодын зах зээлийн нөхцөл байдлыг тогтворжих хүртэл шатахуун экспортлохыг түр хязгаарлах асуудлыг судалж байгаа юм байна. Тус улсын Эрчим хүчний яам ойрын хугацаанд саналаа Засгийн газрын хуралдаанд оруулах болно гэж Ерөнхий сайдын орлогч Александр Новак сэтгүүлчдэд мэдээлэв.
"Одоогийн байдлаар эрэлт нэмэгдэж байгаа тул дотоодын зах зээлээ бүрэн хангах шаардлага үүсэж байгаатай холбоотойгоор бид энэ асуудлыг бодитоор авч хэлэлцэх шаардлага үүсээд байгаа гэж тэрээр хэлсэн байна.
Александр Новакийн хэлснээр биржийн арилжааны үнийн дарамт хэвээр байна. "Хэдийгээр үнэ өчигдөр өссөн ч өмнө нь хэд хоногийн турш үнэ унаж байсан. Өөрөөр хэлбэл тогтворгүй нөхцөл байдал үүсээд байгаа тул зах зээлийг тогтворжуулах шаардлагатай байна" гэж дүгнэж байна.
Эх сурвалж: ТАСС
