/2021.12.27/: Зарим улс оронд Зул сарын баяр нь зөвхөн Санта Клаус, саа, цацагт хяруул гэх уламжлалаас гадна сүм рүү тэшүүрээр гулгах эсвэл Доналд Нугас угтах зэрэг өөр онцлог уламжлалууд байдаг ажээ.
Сүм рүү тэшүүрээр гулгах - Венесуэл
Христийн Мэндэлсний Баяраар хүмүүс сүмд үйлчлүүлэхээр ирэх нь ихэнх улс оронд байдаг жишиг хэдий ч Венесуэлчүүд 12-р сарын 24-нд Христийн мэндэлсний баярыг тэмдэглэхийн тулд дугуйт тэшүүрээр гулгадаг байна. Цастай хойд зүгт чаргаар гулгадаг бол нарлаг өмнөд зүгийнхэн дугуйтай тэшүүрээр 1960-аад оноос эхлэн гулгаж эхэлсэн нь одоо ч алдартай хэвээр байна. Тэшүүрээр гулгагчдын аюулгүй байдлыг хангах үүднээс замын хөдөлгөөнийг хаадаг ажээ.
Гайхамшигт од - Филиппин
Христийн мэндэлсний баярын түүх гурван мэргэн хүнийг нялх Есүсийн тэвш рүү хөтөлсөн Бетлехемийн одны тухай дурдахгүй бол хэзээ ч төгсдөггүй. Филиппинд Христийн Мэндэлсний Баярын үеэр гэрийнхээ гадаа өлгөдөг тод өнгийн дэнлүүн (Испанийн "фарол" гэдэг нь дэнлүү гэсэн үг) дээр оддыг дүрсэлсэн байдаг. Хулс, япон цаасаар хийсэн эдгээр баярын дэнлүү нь итгэл найдвар, гэрлийг бэлэгддэг байна.
Сааны оронд аалзны тор - Украин
Аалз америкт голдуу Халловины баяртай холбоотой байдаг ч Украйнд гацуур модыг сааны оронд гоёл чимэглэлийн аалз, тороор чимэглэдэг байна. Нутгийн домогт өгүүлснээр, ядуу бэлэвсэн эмэгтэй хүүхдүүдийнхээ хамт Зул сарын баяраар дан модтой болно хэмээн тайтгарч унтжээ. Гэтэл нэгэн аалз тэднийг өрөвдөж, зул сарын өглөө болоход торгон тороороо модны эргэн тойронд бүрхсэн байжээ.
Цацагт хяруулын оронд KFC - Япон
Хүн амынх нь нэг хүрэхгүй хувь нь Христийн шашинтай тул Японд Зул сарын баяр бол шашины бус баяр юм. Гэсэн хэдий ч Санта Клаус биш цагаан ямаан сахалттай, хөгжилтэй, нүдний шилтэй эрийг харуулсан нэг уламжлал байдаг аж. KFC- Kentucky Fried Chicken 1974 онд "Kentucky for Christmas" маркетингийн кампанит ажлыг эхлүүлснээс хойш хурандаа Сандерсийн алдарт шарсан тахиа идэх нь өдгөө Японд Зул сарын баярын уламжлал болжээ.
Улаан луувангийн шөнө - Мексик
Улаан лууван Мексикийн Оаксака хотын амьдралын нэг хэсэг болсоор удаж байгаа гэнэ. 1897 онд хотын дарга Зул сарын баярын өмнөх нэгэн хачирхалтай үйл ажиллагааг эхлүүлсэн: Улаан луувангийн шөнө. Жил бүрийн 12-р сарын 23-нд зохион байгуулагддаг бөгөөд орон нутгийн чадварлаг уран бүтээлчид орон нутагт тарьж ургуулсан улаан лууван дээр өдөр тутмын амьдралын дүр зургийг сийлж, зул сарын баярын зах дээр дэлгэдэг ажээ. Улирлыг харгалзан Христийн шашны сэдвүүдийг энд онцолсон байдаг, тухайлбал Христийн мэндэлсний баярын үзэгдэл гэх мэт.
Тэнгэрээс газар хүртэл - Испани
Төрөх баярын ихэнх үзэгдэл нь "тэнгэрлэг" дүр төрхтэй байдаг ч Испанийн Каталонид "Эль Каганер" буюу энгийнээр хэлбэл "хуурагч" гэсэн хүний дүрийг багтаасан байдаг ажээ. Ихэнхдээ буланд байрлуулсан байдаг бөгөөд энэ нь каталончуудын уламжлалт улаан малгай өмссөн, өмд нь доошилсон, бие засаж буй тариачны баримал юм. Олон тооны таамаглал байдаг боловч өтгөн ялгадас нь сайн ялгадас үүсгэдэг тул тариачдын дунд үржил шимийн бэлгэдэл гэж үздэг ажээ.
Санта Клаусын тийм ч хөгжилтэй бус туслах - Австри
Гэгээн Ник "сайн" байсан хүүхдүүдэд бэлэг авчирдаг бол Австри улсад түүний туслах Крампус нь "дэггүйтсэн" хүүхдүүдтэй харьцдаг байна. 12-р сарын 5-нд болох Крампуснахт наадам нь Гэгээн Николасын өдрийн өмнөх өдөр "нүдэнд шатаж буй нүүрстэй, царцсан үстэй, эрчилсэн эвэртэй, хусны мөчрөөр хүмүүсийг алгадаж, хүүхдүүдийг хулгайлдаг ба дараа нь живүүлж эсвэл иддэг" хэмээх домог байдаг ажээ.
Энх тайвны бэлэг - Хятад
Христийн Мэндэлсний Баяр бол Хятадад ердийн соёлын баяр биш боловч сүүлийн үед нэг тодорхой орон нутгийн зан үйл бий болжээ. Мандарин хэлээр "Зул сарын баяр" гэдгийг орчуулбал ping'anye буюу "энхийн үдэш" гэсэн утгатай. Энэ нь "алим" гэсэн утгатай "pingguo" шиг сонсогддог байна. Тиймээс шинэлэг хэл шинжлэлийн нэгдэл нь Христийн Мэндэлсний Баярын үеэр "пинг ангуо" буюу "энхийн алим" гэж нэрлэгдэн алим бэлэглэдэг болсон байна.
Швед - Дональд Дакаас мэндчилж байна
Жил бүрийн 12-р сарын 24-ний 15:00 цагт гэр бүлүүд 1958 оны Уолт Диснейн Зул сарын баярын "Дональд Дак ба түүний найзууд чамд зул сарын баярын мэнд хүргэе" гэх тусгай дугаарыг үзэхээр суудаг байна. Шведийн The Local сонины мэдээлснээр өнгөрсөн жил тус улсын нийт хүн амын тал хувь нь буюу 4.5 сая гаруй хүн нэг цаг үргэлжилсэн тусгай нэвтрүүлгийг үзсэн нь 2020 оны Шведийн нэвтрүүлгийг орчин үеийн түүхэн дэх хамгийн олон үзэгчтэй телевизийн шоу болгожээ.
Нэгдүгээр сард Зул сарын баяр болдог - Этиоп
Христийн шашинт олон оронд 12-р сарын 25-ны өдрийг Христийн мэндэлсэн өдөр болгон өргөн тэмдэглэдэг бол Этиопын үнэн алдартны сүмд Ганна эсвэл Генна гэж нэрлэгддэг Зул сарын баярыг нэгдүгээр сарын 7-нд тэмдэглэдэг байна. Мөн олонхи нь 43 хоног үргэлжилдэг тусгай мацаг барилтанд оролцдог байна. Зул сарын баярыг "Бошиглогчдын мацаг" (эсвэл Цоме Небият) гэж нэрлэдэг ажээ.
Эх сурвалж: dw
