Нөхцөл байдлыг "ноцтой" гэж нэрлэсэний дараа Кремлийн хэвлэлийн төлөөлөгч Дмитрий Песков Лхагва гарагт сэтгүүлчдтэй утсаар холбогдохдоо "Орос улс шаардлагатай гэж үзсэн газар нутагтаа цэргээ байрлуулдаг" гэж мэдэгджээ.
Штабын дарга нарын нэгдсэн хорооны дарга, генерал Марк Милли Вашингтонд болсон Аюулгүй байдлын форум дээр хэлэхдээ, "Бид үүнийг өмнө нь харж байсан" гээд тухайн үед Оросын үйл ажиллагаанд "илэн далангүй түрэмгий зүйл байхгүй" гэж хэлэв.
"Бид хараахан юу гэж тайлбарлахаа мэдэхгүй байна” гэж Милли нэмж хэлэв. "Гэхдээ бид бүх боломжоороо үргэлжлүүлэн хянах болно."
ОХУ Украинтай хиллэдэг хилийн дагуу 150,000 цэргээ байрлуулсаны АНУ Украины хилийн ойролцоох ОХУ-ын цэргүүдийн хөдөлгөөнийг анхааралтай ажиглаж, тэдний үйл ажиллагааг "ер бусын" гэж тодорхойлсон байна.
Пентагоны хэвлэлийн нарийн бичгийн дарга Жон Кирби Баасан гарагт сэтгүүлчдэд хэлэхдээ "Бид үүнийг анхааралтай ажигласаар байна" гээд Москвад хандаж, зорилгоо олон нийтэд тайлбарлахыг уриалав.
“Яг одоо илүү дэлгэрэнгүй ярилцахгүй бол энэ нь үнэхээр том цар хүрээний асуудал болно гэж би бодож байна. Энэ бол бидний харж байгаа анги нэгтгэлийн хэмжээний асуудал” гэж тэр хэлээд “ОХУ хурцадмал эсвэл түрэмгий үйлдэл гаргах вий хэмээн ихээхэн санаа зовоох болно” гэж нэмж хэлэв.
Украины Батлан хамгаалах яам энэ долоо хоногийн эхээр Оросын 90,000 орчим цэрэг хилийн дагуу болон зүүн Украины босогчдын хяналтад байгаа хэсэгт байрлаж байна гэж мэдэгджээ.
Харин Москва энэ бүгдийн няцаасан байна.
АНУ-ын цэргийн дээд албан тушаалтан Москвагийн цэргийн хөдөлгөөнийг дараа АНУ-ын арми болон тагнуулын албаныхан 2014 онд Москва Крымд дайран орсноос хойших хамгийн их хэмжээний цэрэг татан байршуулсан явдал боллоо гэж өнгөрсөн дөрөвдүгээр сард мэдээлж байжээ.
ОХУ болон барууны орнуудын хоорондын харилцаа улам хурцдаж байгаа бололтой.
Энэ долоо хоногийн эхээр ОХУ Тэнгисийн цэргийн хүчин Хар тэнгис дэх дайсны байг устгах сургуулилт хийж байх үеэр АНУ болон НАТО-гийн үйл ажиллагаа идэвхжсэн талаар гомдолложээ.
Мөн өнгөрсөн сард Оросын найман албан тушаалтныг хөөсний хариуд Орос НАТО дахь дипломат төлөөлөгчийн газрын үйл ажиллагаагаа түр зогсоосон байна.
Өнгөрсөн зургадугаар сард АНУ Украинд 150 сая долларын хамгаалалтын багцыг өгсөн бөгөөд үүнд тус улсын Батлан хамгаалах чадавхийг бэхжүүлэхэд чиглэсэн сургалт, тоног төхөөрөмж багтсан байна.
