/2021.10.16/: Консерватив намын гишүүн Сэр Дэвид Амессийн амь насыг хөнөөсөн хэргийг цагдаагийн байгууллага террорист үйл ажиллагаа гэж зарлажээ.
Сэр Дэвид баасан гарагт Эссекс хотын Leigh-on-Sea дэх тойргийн сонгогч нартай хийж байсан уулзалтын үеэр олон удаа хутгалуулжээ. Нийслэлийн цагдаагийн газраас "Исламын хэт даврагч үзэлтэй холбоотой сэдэл байж болзошгүй" гэж мэдэгджээ.
25 настай Британи залууг хүн амины хэрэгт сэжиглэн хэргийн газраас баривчилсан бөгөөд цагдаа нар өөр хэн нэгнийг эрж хайгаагүй гэж мэдэгджээ. Мөрдөн байцаалтын ажлын хүрээнд офицерууд одоогоор Лондон хотын хоёр хаягаар нэгжлэг хийж байна гэж Мет хэлэв. Тухайн эрэгтэй ганцаараа үйлдэл хийсэн гэж үзэж байгаа боловч хэргийн нөхцөл байдлыг судлах ажиллагаа үргэлжилж байна.
Засгийн газрын эх сурвалжууд ВВС агентлагт хэлэхдээ, энэ хүн нь Их Британийн иргэн бөгөөд анхан шатны судалгаагаар Сомалийн өв уламжлалтай бололтой. Southend West-ийг төлөөлж байсан 69 настай Сэр Дэвид тойргийн ажлаа хийж байсан бөгөөд сонгогчид парламентын гишүүдтэйгээ уулзаж, санаа зовж буй асуудлаа ярилцах боломжтой байсан бөгөөд түүнийг халдлагад өртөх үед Белфэйс Методист сүмд байжээ.
Хотын даргын мэдээлснээр, терроризмтой тэмцэх команд нь Эссексийн цагдаа, Зүүн бүсийн мэргэжилтний ажиллагааны хэлтсийн (ERSOU) ажиллагсадтай хамт мөрдөн байцаалтын ажиллагааг удирдаж байгаа гэнэ.
Эссекс хотын цагдаагийн ахлагч Б.Ж.Харрингтон хэлэхдээ, Сэр Дэвид “ ажил үүргээ гүйцэтгэж яваад хамарсалтайгаар амиа алдлаа" гэжээ. Халдлагын дараа Дотоод хэргийн сайд Прити Пател цагдаагийн бүх хүчнээс Парламентын гишүүдийн аюулгүй байдлын зохицуулалтыг "нэн даруй" хянахыг хүсчээ.
Хатагтай Пател энэ аллага нь "ардчилал руу хийсэн утгагүй халдлага юм" гэж хэлээд "Манай улсын сонгогдсон төлөөлөгч, гишүүдийн аюулгүй байдлын талаар асуулт асууж байгаа нь зөв" гэж хэлэв.
Сэр Дэвид 1983 оноос хойш УИХ -ын гишүүн байсан бөгөөд гэрлэсэн, таван хүүхэдтэй. Тэрээр 2016 онд Хөдөлмөрийн намын гишүүн Жо Коксыг хөнөөсний дараа сүүлийн таван жилийн хугацаанд амиа алдсан хоёр дахь парламентын гишүүн болж байна.
Нийтийн танхимын спикер Сэр Линдсей Хойл BBC2 -ийн Newsnight -д өгсөн ярилцлагадаа, цагдаагийнхан сэр Дэвидийг алагдсаны дараа парламентын бүх гишүүдтэй холбогдож, аюулгүй байдлыг нь шалгаж, тайвшруулж байна гэжээ.
Тэрээр баасан гарагийн орой тойрогтоо ажлаа ердийнхөөрөө үргэлжлүүлж байсан, парламентын гишүүд сонгогчидтойгоо харилцаагаа хадгалж үлдэх нь чухал гэж хэллээ.
Харин Консерватив намын гишүүн Тобиас Элвуд BBC Radio 4-ийн The World Tonight-д өгсөн ярилцлагадаа Сэр Дэвидийг хутгалсны дараа ямар ч гишүүн сонгогчидтой нүүр тулан уулзах ёсгүй гэж зөвлөх болно гэжээ. Тэрээр "Та Zoom руу шилжиж болно. Та нар утсаараа үнэхээр их зүйлийг хийж чадна" гэж тэр хэлэв.
Сэр Дэвид Амесс гэж хэн бэ?
Дөчин шахам жилийн турш консерватив ухуулга хийж байсан Сэр Дэвид 1983 онд Басилдон хотын депутатаар парламентад сонгогдож байжээ.
Тэрээр 1992 онд тус хотооcоо улиран сонгогдсон боловч 1997 оны сонгуулиар ойролцоох Саутенд Уэст руу шилжсэн байна.Ромын католик шашинтнуудын дунд өссөн тэрээр улс төрийн хувьд нийгмийн консерватив үзэлтэн, үр хөндөлтийн эсрэг тэмцэгч, амьтны сайн сайхны төлөө тэмцэгч гэдгээрээ алдартай байжээ.
Улс төрийн бусад тойргоос болон орон нутгийн иргэд Сэр Дэвидэд хүндэтгэл үзүүлж байна.
Ерөнхий сайд Борис Жонсон "хамгийн эмзэг бүлэгт туслах хууль батлуулсан шилдэг туршлагатай" гэж хэлээд "бид өнөөдөр төрийн сайн албан хаагч, хайртай найз, хамт ажиллагчаа алдлаа" гэж хэлэв.
Гэгээн Петрийн Католик сүмийн ойролцоох сүмийн санваартан Жефф Вулноф Сэр Дэвидийг "агуу хүн, сайн католик, бүх хүмүүст найз нь байсан" гэж тодорхойлжээ.
"Тэр ард түмэнд үйлчилж байгаад нас барсан" гэж тэр хэлэв.
Тэрээр баасан гаригийн орой Сэр Дэвидийн дурсгалд зориулан сүмд цуглаан зохион байгуулж, түүнийг "Ноён Саутенд" хэмээн тодорхойлжээ.
