/2021.10.15/: Канад улсад хүүхдүүдэд COVID-19-ийн шинжилгээ хийлгэхийг ямар үед шаарддаг, бага насны өвчтөнүүд COVID-19 үнэлгээний төвд ирэхэд ямар байдлаар шинжилгээ авдаг зэргийг эндээс мэдэж авах боломжтой.
Нэгээс дээш насны хүүхдүүдийг шинжилгээнд хамруулах боломжтой бол нэг нас хүрээгүй хүүхдүүдийн хувьд өөрт ойр байгаа эрүүл мэндийн байгууллагад очиж үзлэгт хамрагдах хэрэгтэй.
Хүүхэд хэзээ COVID-19-ийн шинжилгээ өгөх шаардлагатай вэ?
Хэрэв таны хүүхдэд дараах шинж тэмдгүүдийн аль нэг нь байвал COVID-19-ийн шинжилгээ өгөх ёстой.
- Халуурах эсвэл жихүүдэс хүрэх (температур 37.8 ба түүнээс дээш)
- Ханиалгах (ердийнхөөс илүү)
- Амьсгалахад хэцүү
- Үнэр, амт буурах эсвэл алдагдах
- Дотор муухайрах, бөөлжих эсвэл суулгах
Хэрэв таны хүүхдэд нэгээс дээш хэд хэдэн шинж тэмдэг илэрвэл хүүхдээ гэртээ байлгаж, COVID-19 шинжилгээний төвд шинжилгээ хийлгэх эсвэл эрүүл мэндийн үйлчилгээ үзүүлэгчтэйгээ холбоо бариарай. Шинжилгээ хийлгээгүй тохиолдолд хүүхэд 10 хоног гэртээ байх ёстой.
Нэмж дурдахад ах, эгч нар болон өрхийн бусад хүүхдүүдийг ч мөн тусгаарлах шаардлагатай (шинж тэмдэггүй байсан ч гэсэн).
Хамрын арчдас гэж юу вэ?
Хамрын арчдасыг хамар хоолойн арчдас гэж нэрлэдэг бөгөөд энэ нь хамрын дотор талаас салстын дээж авахад зориулагдсан сорил юм.
Хүүхэдтэйгээ шинжилгээний цэг болон эмнэлгийн байгууллагаар үйлчлүүлэхээр ирэхэд юу шаардах вэ?
- Эмнэлэгт хэвтэж байгаа тохиолдолд танаас маск зүүхийг шаардах болно.
- Хэрэв таны хүүхэд үүнийг тэвчиж чадвал эмнэлэгт байхдаа маск зүүхийг бас шаардах болно.
- Эмнэлгийн бүртгэлээ бөглөх шаардлагатай ба хэрэв танд хүүхдийн тань эрүүл мэндийн карт байгаа бол түүнийг сувилагчид үзүүлэх хэрэгтэй.
- Сувилагч таныг болон сувилагчийг аюулгүй байлгах үүднээс маск, халат, бээлий, нүүрний хамгаалалтын бээлийтэй байх болно.
Хүүхдийн хамрын арчдасаар шинжилгээ хийх үед юу болох вэ?
- Сувилагч хүүхдээ тэврэх эсвэл тэвэрч тайвшруулахыг танаас хүсэх болно. Та хүүхдээ тайвшруулж, тэврэн гарыг нь хөдөлгөөнгүй болгож шинжилгээ авахад нь туслах хэрэгтэй.
- Сувилагч хүүхдийг тааз руу дээш харуулж, хөдөлгөөнгүй байлгахыг хүсэх болно.
- Дараа нь сувилагч арчдасыг хүүхдийн хамар руу хийж 5 секундын турш зөөлөн хөдөлгөнө. Дараа нь тэд үүнийг нөгөө талын хамранд давтан хийх болно.
Хүүхэддээ хамрын арчдас хийх үед юу гэж хэлж тайвшруулах вэ?
Хүүхдүүдээ шинжилгээнд хамруулах үед хэд хэдэн арга замыг хэлж өгч хамрын арчдасыг авахад бэлдэх хэрэгтэй.
- Дээшээ сууж, хөшөө шиг хөдөлгөөнгүй байлга
- Тэнгэр өөд хар
- Сувилагчийнхаа хамт чанга дуугаар тав хүртэл тоол
- Удаан, гүнзгий амьсгаа аваарай
Би хүүхдэд хамрын арчдасыг авахад хэрхэн айдасгүй, тайван байлгах вэ?
Бага насны хүүхдүүдэд
- Хэрэв та хамт шинжилгээ өгч байгаа бол эхлээд үлгэр дууриалал болж зоригтой байхыг тэдэнд үзүүлэх боломжтой
- Хүүхдээ өвөр дээрээ тэвэр
- Тайвширсан, тайван хоолойгоор ярь
- Хүүхдийнхээ дуртай дууг дуулаарай
- Утас эсвэл таблет дээрх видеогоор хүүхдээ сатааруулаарай
- Амжилтыг урамшуулж, магтаарай
- Чихмэл амьтан, хөнжил гэх мэт гэрээсээ тав тухтай зүйлийг нь авчираарай
Нялх хүүхдэд зориулсан
- Хүүхдээ тухтай хөнжилд ороо
- Шинжилгээний өмнө болон дараа хөхөөр хооллох, угжих эсвэл тайвшруулагч өгөх
Эх сурвалж: sunnybrook.ca
