Тийз борлуулалтын үйлчилгээ эрхлэгчид эрхзүйн орчноо сайжруулахыг хүслээ
 
Энэ мэдээ хуучирсан буюу 2023/04/27-нд нийтлэгдсэн мэдээ болно.

Тийз борлуулалтын үйлчилгээ эрхлэгчид эрхзүйн орчноо сайжруулахыг хүслээ

/2023.04.27/: Байгаль орчин, аялал жуулчлалын сайд Б.Бат-Эрдэнэ Засгийн газрын "Шинэ сэргэлтийн бодлого"-ын хүрээнд салбарын аж ахуй нэгжүүдтэй чиглэл бүрээр тогтмол "Өглөөний уулзалт" хийж байгаа.

Энэ удаад нислэгийн тийз борлуулалтын үйлчилгээ эрхлэгч 23 аж ахуй нэгжийн төлөөллийг хүлээн авч уулзлаа.

Нислэгийн тийз гэдэг бол Монгол Улсын хилээс гадагш ашиглагддаг, экспортод ордог. Гэтэл дотоодын эрхзүйн орчин тодорхойгүйгээс зарим дүүргийн татварын алба НӨАТ төлөхийг шаарддаг. Зарим татварын алба шаардлагагүй гэдэг. Үүнээс улбаатай шүүхийн маргаантай асуудлууд гарч байсан. Тухайлбал Монголын татварын албанаас НӨАТ төлөхгүй гэсэн бичиг өгсөн байтал 2 жилийн дараа тэр бичиг хамаалгүй болж татварын асуудал үүсэж шүүхэд хандаж байсныг уулзалтын үеэр хөндлөө.

НӨАТ-ын тухай хуулийн “12.1.2. Монгол Улсын Олон улсын гэрээнд заасны дагуу Монгол Улсаас гадаад улсад, гадаад улсаас Монгол Улс хүртэл, түүнчлэн гадаад улсаас Монгол Улсын хилээр дамжуулан бусад улсад гаргасан олон улсын зорчигч болон ачаа тээврийн үйлчилгээ; мөн 12.1.3. Монгол Улсын нутаг дэвсгэрээс гадна үзүүлсэн /албан татвараас чөлөөлсөн үйлчилгээг оролцуулан/ үйлчилгээ; 12.1.4. Монгол Улсад оршин суугч бус этгээдэд үзүүлсэн үйлчилгээ /түүний дотор албан татвараас чөлөөлсөн үйлчилгээг оролцуулан/; нь албан татварын тэг /"0"/ хувь хэрэглэх” гэж заасан байдаг ч хэрэгждэггүй гэдгийг онцоллоо.

Иймээс эхний ээлжид эрхзүйн орчныг тодорхой болгох нь чухал байгааг уулзалтад оролцогчид тодотгов.

Нислэгийн тийзийн борлуулалтын үйлчилгээ нь аялал жуулчлалыг хөгжүүлэх, улирлын чанартай аялагч, жуулчдын тоог нэмэгдүүлэх зэргээр аяллын компаниудтай хамтран ажиллах, сурталчилгааны маркетингийн нэгдсэн хөгжүүлэлт хийх боломжтой тул цаашид энэхүү уялдаа холбоог хангаж ажиллахаар боллоо.

УИХ-ын дарга үнийн өсөлттэй тэмцэх хуулийн хэрэгжилтийг шалгах үүрэг өглөө
УИХ-ын дарга үнийн өсөлттэй тэмцэх хуулийн хэрэгжилтийг шалгах үүрэг өглөө
 
Хот, нийтийн аж ахуйн салбарын 13 мэргэжлээр 100 хүүхдийг Германд сургана
Хот, нийтийн аж ахуйн салбарын 13 мэргэжлээр 100 хүүхдийг Германд сургана
Энэ мэдээ хуучирсан буюу 2023/04/27-нд нийтлэгдсэн мэдээ болно.