/2023.02.08/ Өнгөрсөн сард Ардчилсан нам хоёр талд Үндэсний бодлогын хороогоо хуралдуулж, даргаа сонгосон. Тодруулбал, нэг талаас УИХ-ын гишүүн Л.Гантөмөрийг батламжилж, С.Эрдэнийн талаас УИХ-ын гишүүн Д.Ганбатыг батламжлан Улсын дээд шүүхэд бүртгүүлэх хүсэлтээ хүргүүлсэн байдаг.
Тэгвэл Монгол Улсын дээд шүүхийн нийт шүүгчийн хуралдааныг маргааш буюу хоёрдугаар сарын 9-ний өдөр товлосон байна.
Хуралдаанаар Л.Гантөмөрийг Ардчилсан намын даргаар бүртгүүлэх тухай Ч.Өнөрбаяр, Л.Гантөмөр нарын өргөдөл болон Д.Ганбатыг Ардчилсан намын даргаар бүртгүүлэх тухай С.Эрдэнийн өргөдлийг тус тус хэлэлцэх аж.
