/2023.01.17/: Оросын хагас цэрэгжсэн Вагнер группын командлагч асан Украинаас зугтан Норвегид орогнол хүссэн байна.
26 настай Андрей Медведев өнгөрсөн баасан гарагт Норвегийн хилээр нэвтэрч, хилийнхэн түүнийг саатуулжээ.
Тэрээр одоо Норвеги руу хууль бусаар нэвтэрсэн хэргээр Осло дүүрэгт хоригдож байгаа гэж түүний өмгөөлөгч Бринжульф Риснес ВВС-д ярьжээ.
Норвегийн Хил хамгаалах алба Андрей Медведевийг хил давсны дараа баривчлагдсан болохыг нотолсон боловч "аюулгүй байдал, хувийн нууцтай холбоотой" шалтгаанаар нэмэлт мэдээлэл өгөх боломжгүй гэж мэдэгдэв.
Медведевийг Оросоос гарахад Оросын хүний эрхийн байгууллага болох Гулагугаас тусалсан байна.
Гулагугийн үүсгэн байгуулагч Владимир Осечкин ВВС-д хэлэхдээ, Медведев 2022 оны долоодугаар сард хагас цэрэгжсэн бүлэгт дөрвөн сарын гэрээгээр элссэн боловч Украинд алба хааж байхдаа хүний эрх зөрчигдөж, дайны гэмт хэрэг үйлдэгдэж байгааг мэдсэн даруйдаа Украинаас зугжээ.
Тэрээр Орост хоёр сарын хугацаанд нуугдаж байгаад өнгөрсөн долоо хоногт Норвегийн хилийг давсан байна.
Риснес хэлэхдээ, түүний үйлчлүүлэгч Украинд байлдаж байхдаа олон тооны дайны гэмт хэргийн гэрч болсон, тэр дундаа Вагнер группын дотоод аюулгүй байдлын алба "цөлөгдөгчдийг цаазлаж байгааг" харсан аж.
Ноён Медведев Норвеги руу дайны гэмт хэргийн зарим нотлох баримтыг авч явсан гэдэгт итгэлтэй байгаа бөгөөд ирэх долоо хоногт дайны гэмт хэргийг мөрдөн шалгаж буй бүлгүүдтэй мэдээллээ хуваалцах бодолтой байгаагаа Риснес нэмж хэлэв.
Энэ мэдэгдлийн хариуд Вагнер группийг үүсгэн байгуулагч Евгений Пригожин ноён Медведевийг Вагнерийн цэрэг байсан гэдгийг баталжээ.
Эх сурвалж: ВВС
