/2023.01.11/: Монгол Улсын анхны Ерөнхий сайд сайн ноён хан Т.Намнансүрэнгийн амьдарч байсан БЗД-ийн 6-р хороонд байрлалтай "Гоожингийн өндөр"-ийг хамгаалалтад авч музейн зориулалтаар сэргээн засварлахаар болсон.
Тэгвэл өнөөдөр мөн Т.Намнансүрэнгийн байгуулж байсан анхны телефон станц байрлаж байсан барилгыг төрийн өмчид эргүүлэн авлаа.
Энэхүү барилга нь 1913 онд баригдаж 1914-1998 он хүртэл одоогийн БЗД-ийн 6-р хороо Бөхийн өргөөний баруун хойно телефон станц, холбооны музей байрлаж байсан. Энэхүү барилга болон газрыг 2004 онд хууль бусаар "Ванхүү" ХХК-д өмчлөх эрхийг шилжүүлсэн байсныг цуцалж шүүхийн шийдвэрээр албадан чөлөөлж төрийн өмчид аваад байна.
Эх сурвалж: БЗД ЗДТГ
