/2023.01.03/: Ням гарагт болсон ослоор холливудын жүжигчин Жереми Реннер цээжиндээ мохоо гэмтэл авсны улмаас хагалгаанд орсон бөгөөд биеийн байдал нь маш хүнд байгаа гэж жүжигчний менежер хэллээ.

51 настай жүжигчин шинэ жилийн өдөр Невада мужийн Рено дахь гэрийнхээ ойролцоо цас цэвэрлэгч машин жолоодож яваад хүнд бэртэл авч, онгоцоор эмнэлэгт хүргэгдсэн юм.

Жеремигийн гэр бүлийн зүгээс түүнийг аварч хамгаалсан болон одоо ч асарч байгаа холбогдох албаны хүмүүст гүнээ талархаж байгаагаа илэрхийлсэн байна.

Алдарт жүжигчин ням гарагийн өглөө гэр бүлээ дагуулан гарахын тулд цасан шуурганы улмаас зам дээр хунгарласан цасыг цас цэвэрлэх машинаар цэвэрлэж байсан гэж түүний хөршүүд мэдүүлэг өгчээ.

Тэрээр бэртлээс болж их хэмжээний цус алдсан бөгөөд эмнэлгийн ажилтнууд ирэх хүртэл эмч мэргэжилтэй хөрш нь түүний хөлөнд боолт тавьсан байна.

Жүжигчин олон жилийн турш Вашоу мужид ранчо хэмээх цас цэвэрлэгч автомашиныг эзэмшиж байжээ. Түүний амьдардаг Хойд Невада мужид шинэ оны өмнөхөн өвлийн шуурга болж, 35,000 байшин цахилгаангүй болсон юм.

Эх сурвалж: Theguardian