/2022.10.26/ Дулааны шугамын худагт засварын ажил хийж байсан 5 хүн халуун ус асгарсны улмаас түлэгджээ.

Тодруулбал, ХУД-ийн 4 дүгээр хороонд байрлах Ханбогд хорооллын хашааны гадна дулааны шугамын худагт засварын ажил хийж байхад халуун ус дамжуулдаг төмөр хоолой задарсан байна. Улмаар халуун ус асгарч 4 хүн хүндэвтэр, 1 хүн хөнгөн түлэгджээ.

Тиймээс хүндэвтэр түлэгдсэн 4 хүнийг Нийслэлийн яаралтай түргэн тусламжийн төв /НЯТТТ/-д хүргэж, Сонгинохайрхан дүүргийн 42 дугаар хорооны харьяат иргэн Н /38 настай, эрэгтэй/ нь хөнгөн түлэгдсэн байсныг ГССҮТ-д хүргэж өгсөн байна.