/2022.09.16/ Шударга өрсөлдөөн, хэрэглэгчийн төлөө газар Нийслэлийн Засаг даргын хэрэгжүүлэгч агентлаг Хотын Стандарт, Хяналтын газартай хамтран хотын стандартын хэрэгжилтэд хяналт тавихаар болжээ.
Энэ хүрээнд ШӨХТГ-ын дарга С.Мөнхчулуун Хотын Стандарт, Хяналтын газрын удирдлагуудыг хүлээн авч уулзсан байна.
Уулзалтаар хотын стандартыг мөрдүүлэх, хяналт тавих, цаашид боловсруулагдах хотын стандартуудад ШӨХТГ-с санал өгч хамтран ажиллах чиглэлээр санал солилцжээ. Эхний ээлжинд ШӨХТГ-с хэрэгжүүлэхээр төлөвлөсөн Нийслэлийн нутаг дэвсгэрт байрлаж буй Зар сурталчилгааны байгууламжууд болон албан байгууллагын хаягжилтын стандартыг мөрдүүлэх аяны хүрээнд хамтран хяналт шалгалт хийхээр болсон байна. Энэ хүрээнд, худалдаа, үйлчилгээний байгууллагуудад үйлчилгээний стандартыг мөрдүүлэх, Нийтийн тээврийн үйлчилгээний стандартыг хангуулах, Хотын стандарт, хяналтын газраас боловсруулсан Хөгжлийн бэрхшээлтэй иргэдийн зорчих зам, шатны стандартыг шинэчлэх зэрэг асуудлуудаар хамтран ажиллахаар болжээ.
