/2022.09.06/: Сонгинохайрхан дүүргийн 21 дүгээр хороо, 61-ын гарам орчимд ачааны автомашин суудлын автомашинтай мөргөлдөж, 2 хүн автомашины төмөр хийцэд хавчуулагдсан тухай дуудлага өчигдөр Онцгой байдлын газар иржээ.
Дуудлагын дагуу Нийслэлийн аврах ангийн алба хаагчид очиход 61-ын гарамаас Улаанбаатар хотын чиглэлд зорчиж явсан “Норд Бенз” загварын том оврын ачааны автомашины араас “Пажеро” загварын суудлын автомашин мөргөж, жолооч А /28 настай, эрэгтэй/, зорчигч Б/35 настай, эрэгтэй/, зорчигч Т /1 настай, эрэгтэй/ нар гэмтсэн байсныг эмнэлгийн анхны тусламж үзүүлэн НЯТТТ-ийн эмчид хүлээлгэн өгсөн байна.
Уг ослоор зорчигч нийслэлийн ХУД-ийн харьяат Ч /58 настай, эмэгтэй/ БГД-ийн харьяат Ж /63 настай, эмэгтэй/ нар автомашины төмөр хийцэд хавчуулагдан амиа алдсан тул цогцсыг гаргаж, Цагдаагийн байгууллагад шилжүүлэн өгчээ.
Эх сурвалж: ОБЕГ
