/2021.08.18/ Хөгжлийн банкны одоогийн нөхцөл байдлаас үзвэл цаашид үйл ажиллагаа явуулах боломжгүй байна гэж Сангийн сайд Б.Жавхлан мэдээллээ.

Тэрбээр, "Хөгжлийн банк энэ оны нэгдүгээр сараас хойш нэг ч зээл олгоогүй. Тус банкны нийт зээлийн үлдэгдэл 3 их наяд төгрөг байгаагаас 1 их наяд төгрөг нь чанаргүй зээл байна.

Шинэ зээл өгөх чадамжгүй учир банк татан буугдах хэмжээнд хүрч болзошгүй. Тиймээс Монголбанк тус банканд хяналт шалгалт хийж байна.

Төсвөөс томоохон зээлийг санхүүжүүлэх боломжгүй тул Хөгжлийн банкийг байгуулсан. Ойрын хугацаанд бүтцийн өөрчлөлт хийж чанаргүй зээлээ хурдан хугацаанд эргэн төлүүлэхэд анхаарна" гэв.