/2025.01.25/

Монгол Улсад гэмт хэргээс урьдчилан сэргийлэх ажлыг зохицуулах зөвлөлийн Ажлын албаны дарга Л.Нямгэрэл НҮБ-ын Хүн амын сангийн Монгол дахь суурин төлөөлөгчийн газрын Шадар суурин төлөөлөгч Л.Оюунааг хүлээн авч уулзлаа. Уулзалтаар НҮБ-ын Хүн амын сантай 2025 онд хамтран хэрэгжүүлэх үйл ажиллагааны төлөвлөгөөний талаар санал солилцов.

Мөн Монгол Улсын Засгийн газрын байгууллагуудын жендэрт суурилсан хүчирхийлэлтэй тэмцэхэд оруулж буй хүчин чармайлтыг НҮБ-ын Хүн амын сангийн Төв оффисоос өндрөөр үнэлж, 2024 оны үйл ажиллагааны хэрэгжилтэд талархалтай хандаж байгааг Шадар суурин төлөөлөгч Л.Оюунаа уламжиллаа.