/2024.05.09/: Монгол улсын соёл урлагийн ууган байгууллага "Жанжин клуб" байгуулагдсаны түүхт 100 жилийн ойн хүрээнд "Баянзүрх дүүргийн Соёлын ордон"-оос "ЖАНЖИН ЦОМ-2024" яруу найргийн анхдугаар наадмыг амжилттай зохион байгууллаа.
Нийт 100 яруу найрагч шүлгээ ирүүлснээс дараагийн шатанд тайзнаас 18 яруу найрагч шүлгээ уншсан. Дөрвөн үе шаттай явагдсан тус наадамд Болор цомын эзэн яруу найрагч Б.Жамбалдорж тэргүүн байр эзэлж Жанжин цомын анхны эзэн боллоо.
Хоёр дугаар байранд Болор цомын эзэн яруу найрагч М.Амархүү, гуравдугаар байранд МЗЭ-ийн шагналт яруу найрагч В.Нэргүй, тусгай байранд залуу яруу найрагч М.Дэвээжаргал, Өвөрхангай аймгаас ирж оролцсон Г.Сэр-Одын нэрэмжит шагналт яруу найрагч Д.Өсөх-Эрдэнэ нар шалгарсан юм.
Наадамд Хөдөлмөрийн баатар, Ардын уран зохиолч Тангадын Галсан, Хөдөлмөрийн баатар,Төрийн шагналт, Ардын жүжигчин Намсрайн Сувд, Ардын жүжигчин Гомбын Равдан, Ардын жүжигчин Бэх-Очирын Жаргалсайхан, Ардын жүжигчин Цэндийн Үенч, Соёлын гавьяат зүтгэлтэн Үржингийн Хүрэлбаатар, Урлагийн гавьяат зүтгэлтэн Баатарын Отгонбат тэргүүтэй соёл урлагийн олон алдартнууд хүрэлцэн ирж мэндчилгээ дэвшүүллээ.
Урлаг соёлын ууган голомт, олон алдартныг төрүүлэн гаргасан "Жанжин клуб" түүхт 100 жилийн ойн баярын мэндийг өргөн дэвшүүлье.
Эх сурвалж: БЗД
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.