/2024.04.16/: Бразилийн зүүн хойд эргийн ойролцоох завинаас 20 хүний ялзарсан цогцос олдсон гэж албаны хүмүүс мэдэгдэв.
Пара хотоос зүүн хойд зүгт орших Браганса эргээс энэ сарын 13-ны өдөр энэхүү цогцоснуудтай завь олдсон гэж Бразилийн Холбооны олон нийтийн яам ням гарагт мэдэгдэв.
Үүнээс хойш хоёр ч хэрэг үүсгэн шалгаж эхэлжээ.
Албаны хүмүүсийн мэдээлснээр завинаас 20 хүний цогцос олдсон боловч ялзарч задарсан байсан тул завин дээр хэдэн хүн амиа алдсан нь тодорхойгүй байна.
Талийгаачдыг Бразилийнх биш харин Карибын тэнгисийнх байх магадлалтай гэж мөрдөн байцаагчид CNN Brasil-д мэдэгджээ.
Орон нутгийн эрх баригчид сүүлийн үед бразил иргэд сураггүй алга болсон тухай мэдээлэл ирээгүй гэж мэдэгджээ.
Эх сурвалж: CNN
