Мэргэжлийн өвчин судлалын эмнэлгийн шинээр баригдаж буй барилгын ажлын явцтай танилцлаа
 
Энэ мэдээ хуучирсан буюу 2024/04/15-нд нийтлэгдсэн мэдээ болно.

Мэргэжлийн өвчин судлалын эмнэлгийн шинээр баригдаж буй барилгын ажлын явцтай танилцлаа

/2024.04.15/: Хөдөлмөрийн аюулгүй байдал, эрүүл мэндийн төвийн Мэргэжлийн өвчин судлалын эмнэлгийн шинээр баригдаж буй барилгын ажлын явцтай ХНХ-ын дэд сайд, Хөдөлмөрийн аюулгүй байдал, эрүүл ахуйн Үндэсний хорооны дарга С.Зулпхар танилцлаа.

Өнөөдрийн байдлаар эмнэлгийн барилга угсралтын ажил бүрэн дууссан бөгөөд өрөөнүүдийн зохион байгуулалт, цахилгаан, сантехникийн ажлуудыг хийж байна. Хөдөлмөр, нийгмийн хамгааллын дэд сайд С.Зулпхар эмнэлгийн тоног төхөөрөмжийн хөрөнгө оруулалтын үнийн судалгааг гарган танилцуулахыг холбогдох албаныханд даалгалаа.

May be an image of 2 people

Эмнэлгийн барилга нь хэвтэн эмчлүүлэх болон нөхөн сэргээх тасгуудтай орчин үеийн аппарат тоног төхөөрөмжөөр тоноглогдсон 3-р шатлалын эмнэлэг болох юм. Мэргэжлийн өвчин судлалын эмнэлэг нь жилд дунджаар давхардсан тоогоор 200 гаруй байгууллага 79-80 мянга орчим хүнд эрүүл мэндийн үзлэг оношилгоог суурин болон явуулын хэлбэрээр зохион байгуулсаар ирсэн.

Эмнэлгээр үйлчлүүлж буй иргэдийн дийлэнх нь уул уурхай, зам тээвэр, барилгын салбарынхан байдаг. Тэр хэрээр орон нутгаас зорьж ирэх үйлчлүүлэгчид олон байдаг учраас хэвтэн эмчлүүлэх тасагтай болж байгаа нь чухал ач холбогдолтой юм.

Мэргэжлийн өвчин судлалын эмнэлгийн барилгыг шинээр барих санхүүжилтийн асуудлыг 2022 оны улсын төсөвт суутган шийдвэрлэсэн билээ.

Эх сурвалж: ХНХЯ

П.Батболд: Орхон аймгийн хэмжээнд гэмт хэргийн гаралт буурсан бол зөрчлийн хэрэг өсөх хандлагатай байна
П.Батболд: Орхон аймгийн хэмжээнд гэмт хэргийн гаралт буурсан бол зөрчлийн хэрэг өсөх хандлагатай байна
 
Нотлох баримтыг шинжлэн судлах өнөөдрийн сонсголд 61 гэрчийг дуудсан байна
Нотлох баримтыг шинжлэн судлах өнөөдрийн сонсголд 61 гэрчийг дуудсан байна
Энэ мэдээ хуучирсан буюу 2024/04/15-нд нийтлэгдсэн мэдээ болно.