/2024.04.03/: Лхагва гарагийн өглөө Тайваний зүүн эрэгт 7.4 баллын хүчтэй газар хөдлөлт болж, дараа нь хэд хэдэн хүчтэй газар хөдлөлт болж, байшин барилга эвдэрч, хөрсний гулгалт үүсч, Тайвань болон Японд цунамийн аюулаас сэрэмжлүүлэв.
АНУ-ын Геологийн албаны мэдээлснээр 7.4 магнитудын хүчтэй газар хөдлөлтийн голомт Хуалиен хотоос өмнө зүгт 18 километрийн зайд байжээ.
Тайваний цаг уурын төв газар үүнийг 7.2 гэж тэмдэглэжээ. Энэ нь Тайваньд сүүлийн 25 жилд тохиолдсон хамгийн том газар хөдлөлт байсан бөгөөд Япон, Хятадын зарим хэсэгт ч мэдрэгдсэн байна.
Тайваньд болсон 7.4 магнитудын хүчтэй газар хөдлөлтийн дараагаар хохирлын урьдчилсан мэдээ дөнгөж гарч эхэлж байна.
Хуалиень мужид байшин хазайж, эвдрэл гэмтэл гарсан тухай Тайваний Батлан хамгаалах яамнаас мэдээлсэн бөгөөд гамшгаас авран туслах, хохирлыг багасгах зорилгоор цэргийн ангиудыг илгээж, газар хөдлөлт үргэлжилсээр байгаа тул сургууль, цэцэрлэгийг түр зогсоосон байна.
Японы Окинава, Кагошима бүс нутгуудаас цунамигийн аюулаас сэрэмжлүүлсний улмаас бүх нислэгийг түр зогсоолоо гэж Japan Airlines мэдээлэв.
Эх сурвалж: Washington post
