Салбар бүрийн 30 залуу судлаач “Бүүткамп” эрчимт сургалтад хамрагдаж эхэллээ
 

Салбар бүрийн 30 залуу судлаач “Бүүткамп” эрчимт сургалтад хамрагдаж эхэллээ

/2024.04.02/: Дэлхий даяар дэлгэрч байгаа “Бүүткамп” эрчимт сургалтад хими, биологи, хөдөө аж ахуй, хүрээлэн буй орчин, материал судлал, нанотехнологи, ойн аж ахуй, ургамал хамгаалал, бизнес, нийгмийн инновац, санхүү хүний нөөц, чанарын менежментийн салбарын 30 залуу энтерпрёнершип судлаачид хамрагдаж эхэллээ.

Бүүткамп эрчимт сургалт нь байгаль, инженер, технологи, нийгэм, хүмүүнлэгийн салбарын судлаачид, залуу энтерпрёнерүүд, их дээд сургуулийн багш, ахисан түвшний суралцагчдыг чадавхжуулах, ялангуяа мэргэжилтнүүд мэдлэг солилцох, хамтран инновац бүтээх арга замд суралцах, гарааны компани байгуулах, өөрсдийн шинэ, шилдэг санааг бодит ажил болгох, шинжлэх ухааны мэдлэг, шинэ технологи, инновацийг эдийн засгийн эргэлтэд оруулах ялангуяа салбар дундын практик мэдлэгүүдийг богино хугацаанд заадгаараа онцлог.

Энэхүү сургалт дэлхийн 10 гаруй оронд амжилттай зохион байгуулагдаж нийт 106 судлаач, инженер, энтерпрёнерууд хамрагджээ. Харин манай улс анх удаа ЮНЕСКО, БШУЯ, МУИС, МУИС-ийн Шинжлэх ухаан технологийн Улаанбаатар парк хамтран 2024 оны Дөрөвдүгээр сарын 1-5 ны хооронд зохион байгуулж байгаа юм.

“UNESCO Science-Engineering Entrepreneurship Bootcamp in Mongolia 2024” буюу энэ удаагийн эрчимт сургалтад их дээд сургуулийн сургалтын байгууллагын 4, эрдэм шинжилгээний хүрээлэнгийн 5, шинжлэх ухааны паркийн 2, нийслэлийн инновац бодлогын газрын 1, хувийн хэвшлээс 2 нийт 14 байгууллагын 50 гаруй судлаачид, их дээд сургуулийн ахисан түвшний суралцагчид сонгон шалгаруулалтад оржээ.

Сургалтын үр дүнд суралцагчид багт хувиарлагдан богино хугацаанд өөрсдийн бизнесийн загварыг боловсруулан, гарааны бизнесийг эхлүүлэх, санхүүжилтийг тооцоолох, гарааны бизнест зориулсан хууль эрх зүйн гэрээ, хэлэлцээр хийх, хэлэлцээрийн элементүүдэд суралцахын зэрэгцээ өөрсдийн төслөөрөө хэрхэн хөрөнгө оруулагчдыг татахад суралцаж, мөн хөрш орнуудын лаборатори, нанотехнологийн бүтээгдэхүүнийг виртуалиар үзэж танилцана.

Эх сурвалж: БШУЯ

Монгол Улс дахь хүний эрх, эрх чөлөөний байдлын талаарх 23 дахь илтгэлийг УИХ-д өргөн барилаа
Монгол Улс дахь хүний эрх, эрх чөлөөний байдлын талаарх 23 дахь илтгэлийг УИХ-д өргөн барилаа
 
ЧД-БНСУ хоорондын “Сурагч солилцоо-2024” хөтөлбөр амжилттай хэрэгжлээ
ЧД-БНСУ хоорондын “Сурагч солилцоо-2024” хөтөлбөр амжилттай хэрэгжлээ
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.