/2022.08.10/ АНУ-ын Нью-Йорк хотын цагдаагийн хэлтсээс дээрх этгээдийг хайж байгаа ажээ. Учир нь тухайн эрэгтэй нь өнгөрсөн сарын буюу долоодугаар сарын 21-ны өдөр нэгэн эрэгтэйд гэмтэл учруулаад зугтсан байна.

Тодруулбал, хохирогч эрэгтэй нь 30 настай Монгол хүн байсан ажээ. Дээрх этгээд түүнийг удаа дараа цохиж шүд, хамар, эрүүний ясыг нь хугалсан гэсэн мэдээллийг хохирогч эрэгтэй Нью-Йоркийн цагдаагийн хэлтэст өгсөн байна.