/2024.03.01/: Израилын цэргүүд Газын баруун өмнөд хэсэгт хүнсний тусламж хүлээж байсан олон зуун хүн рүү гал нээсний улмаас 100 гаруй палестин хүн амь үрэгдэж, 700 орчим хүн шархадсан гэж эрүүл мэндийн албаныхан мэдэгдлээ.
112 хүн амь үрэгдэж, 750 гаруй хүн шархадсан энэхүү халдлагыг Палестины Гадаад хэргийн яам хүйтэн цуст аллага гэж буруушааж байна.
Тус яам энэ халдлагыг Израилын үргэлжилж буй “геноцидын дайны” нэг хэсэг гэж мэдэгджээ. Мөн олон улсын хамтын нийгэмлэгийг "энгийн иргэдийг хамгаалах цорын ганц арга зам" болох гал зогсооход "яаралтай оролцохыг" уриалав.
Амиа алдсан болон шархадсан олон арван палестинчуудын цогцсыг ачааны машинд тээвэрлэж буйг харуулсан бичлэгийг Аль-Жазира баталгаажуулсан бөгөөд түргэн тусламжийн машин тус бүс нутагт хүрч чадахгүй байгаа аж.
Хэргийн газраас Аль-Жазирагийн Исмаил аль-Гул хэлэхдээ, гал нээсний дараа Израилын танкууд урагшилж, олон нас барсан болон шархадсан цогцоснуудыг дайрсан. "Энэ бол Газа дахь иргэдийг өлсгөлөнд нэрвэгдүүлэхийн зэрэгцээ үй олноор хядаж буй хядлага" гэв.
Амиа алдсан болон шархадсан хүмүүсийг Аль-Шифа, Камал Адван, Ахли болон Иорданы дөрвөн эмнэлгийн төвд хүргэсэн байна. Замууд "бүрэн эвдэрсэн" тул түргэн тусламжийн машинууд хүрч чадаагүй" аж.
Эх сурвалж: Aljazeera
