2024.02.19/: Москва дахь АНУ, Их Британийн Элчин сайд нар баасан гарагт шоронд нас барсан Оросын сөрөг хүчний удирдагч Алексей Навальныйгийн дурсгалд цэцэг өргөлөө.
Навальныйгийн холбоотнууд түүнийг Ерөнхийлөгч Владимир Путины тушаалаар хөнөөсөн гэж үзэж байна. Харин шоронгийн удирдлагууд түүнийг "гэнэтийн үхлийн синдром"-оор өвчилсөн гэж мэдэгджээ.
"Өнөөдөр Соловецкийн чулуун дээр бид Алексей Навальный болон ОХУ-д улс төрийн хэлмэгдүүлэлтэд өртсөн бусад хүмүүсийн үхэлд эмгэнэл илэрхийлж байна" гэж Москва дахь АНУ-ын Элчин сайдын яам олон нийтийн сүлжээнд мэдэгдэв.
Москва дахь Их Британийн Элчин Сайдын Яам хуучнаар Твиттер гэж нэрлэгддэг X хуудсанд бямба гарагт Их Британийн элчин сайд дурсгалын цогцолборт зочилж буй зургийг нийтэлсэн бөгөөд өмнөх нийтлэлдээ "Навальныйгийн үхлийг бүрэн, ил тод мөрдөн шалгахыг" уриалсан байна.
Их Британийн Ерөнхий сайд Риши Сунак ням гарагт Европын Комиссын ерөнхийлөгч Урсула фон дер Лейентэй ярилцахдаа тэд Навальныйгийн үхэлд "эгдүүцлээ илэрхийлж", "Оросын систем дэх буруутай хүмүүст хариуцлага тооцох нь нэн чухал болохыг онцлон тэмдэглэсэн байна.
ЕХ-ны гадаад бодлогын тэргүүн Жозеп Боррелл даваа гарагт хатагтай Навальнаяг эвслийн Гадаад харилцааны зөвлөлийн хурал дээр урина гэдгээ баталлаа.
Тэрбээр ЕХ-ны сайд нар Навальныйгийн дурсгалыг хүндэтгэж, "Оросын эрх чөлөөний төлөө тэмцэгчдийг дэмжих хүчтэй мессеж илгээнэ" гэв.
Оросын шоронгийн удирдлагууд баасан гарагт сөрөг хүчний идэвхтэн Сибирийн "Алтан гадас чоно" хорих анги гэгддэг Хойд туйлын тойрог дахь алслагдсан IK-3 шоронд алхаж яваад бие нь муудаж, ухаан алдсан гэж мэдэгдсэн юм.
Эх сурвалж: ВВС
