“Ханжоу-2022” Азийн наадмаас медаль хүртсэн тамирчид, дасгалжуулагчдад 372 сая төгрөг олголоо
 
Энэ мэдээ хуучирсан буюу 2023/11/13-нд нийтлэгдсэн мэдээ болно.

“Ханжоу-2022” Азийн наадмаас медаль хүртсэн тамирчид, дасгалжуулагчдад 372 сая төгрөг олголоо

/2023.11.13/: БНХАУ-ын Ханжоу хотод болсон Азийн зуны спортын 19 дүгээр наадамд Монгол Улсын 364 тамирчин спортын 34 төрөлд өрсөлдөхөд хоёр алт, таван мөнгө, 13 хүрэл медаль хүртсэн билээ.

Тус наадмын түүхэн дэх манай улсын баг тамирчдын хамгийн өргөн бүрэлдэхүүн болсон юм. Засгийн газрын 2018 оны 173 дугаар тогтоолын дагуу “Ханжоу-2022” Азийн наадмаас медаль хүртсэн 45 тамирчин, түүний дасгалжуулагч 11 хүнд мөнгөн шагнал болох 372 сая 750 мянган төгрөг олголоо.

Жүдо, бокс, сагсан бөмбөгийн 3х3-ын эрэгтэй, эмэгтэй баг, буудлага, цахим спорт, дугуй, байт харваа, чөлөөт бөх, кураш, жюү жицү гэсэн спортын 10 төрөлд Монголын 45 тамирчин медальтай ирсэн.

Түүнчлэн тус наадамд үндэсний шигшээ багийн болон шигшээ багийн бус 23 спортын төрлийн 231 тамирчин, 31 дасгалжуулагчийн зардалд 700 орчим сая төгрөгийн дэмжлэгийг улсын төсвөөс үзүүлсэн байна.

Эх сурвалж: БТСУХ

Кибер гэмт хэрэгтэй тэмцэх төвийн үйл ажиллагааг өргөжүүллээ
Кибер гэмт хэрэгтэй тэмцэх төвийн үйл ажиллагааг өргөжүүллээ
 
Хамтарсан Засгийн газар анхны хуралдаанаа хийв
Хамтарсан Засгийн газар анхны хуралдаанаа хийв
Энэ мэдээ хуучирсан буюу 2023/11/13-нд нийтлэгдсэн мэдээ болно.