/2023.11.09/: Энэ долоо хоногт Хятадын зүүн хойд хэсгээр ер бусын эрт орсон их хэмжээний цасны улмаас агаарын тээврийн компаниуд нислэгүүдээ цуцалж, галт тэрэгний хөдөлгөөнийг зогсоож, сургууль, замуудыг хаахад хүрчээ.
Хятадын зүүн хойд хэсэгт анхны цас ихэвчлэн 11-р сарын сүүлээс 12-р сарын эхээр ордог гэж Хятадын үндэсний цаг уурын төвөөс иш татан төрийн мэдлийн The Paper мэдээлэв.
Хятадын хамгийн хойд муж болох Хэйлунцзян хотод цасан шуурганы улмаас төмөр замын 51 галт тэрэгний хөдөлгөөнийг өнгөрөгч мягмар гарагт зогсоосон байна. Даваа гарагт мужийн нийслэл Харбин олон улсын нисэх онгоцны буудалдаа 400 гаруй нислэгийг цуцалсан бол тус мужийн зарим жижиг нисэх буудлууд бүх нислэгээ цуцалжээ.
Даваа, мягмар гарагт Харбины ихэнх хэсэгт сургууль, цэцэрлэгээс гадуурх сургалтын байгууллагуудын үйл ажиллагааг түр зогсоосон гэж CCTV улсын телевизийн мэдээлэв.
Жиамуси хотод даваа гарагт цасан шуурганы үеэр биеийн тамирын заал нурж, дотор нь боогдсон гурван сурагч амиа алдсаныг эрх баригчид шалгаж байна гэж Синьхуа агентлаг мэдээллээ.
Дунд ангийн долоон сурагч спортын клубт сагсан бөмбөг тоглож байх үед дээвэр нь нурсан тухай Синьхуа агентлаг мэдээлээд гурав нь зугтаж, бусад дөрөв нь дарагдсан гэж уг тайланд дурджээ.
Нурсан шалтгааныг үргэлжлүүлэн шалгаж байгаа бөгөөд уг биеийн тамирын заал 2018 онд ашиглалтад орж, 2020 онд аюулгүй байдлын шалгалтад тэнцсэн гэж Синьхуа агентлаг мэдээллээ.
Эх сурвалж: CNN
