/2023.09.18/: Дэлхийн удирдагчид НҮБ-ын Ерөнхий Ассамблейн чуулганд оролцохоор Нью-Йорк хотноо даваа гарагаас эхлэн цуглаж эхэллээ.
Украины Ерөнхийлөгч Володимир Зеленский энэхүү уулзалтад биечлэн оролцож, ОХУ-ын эсрэг сөрөг довтолгоог үргэлжлүүлэхэд Украинд илүү их дэмжлэг үзүүлэхийг уриалахаар төлөвлөж байна.
Зеленский чуулганы хуралдаанд үг хэлэхээс гадна Нью-Йоркт дэлхийн бусад удирдагчидтай хэд хэдэн уулзалт хийх төлөвлөгөөтэй байгаа аж. Үүний дараа Украины Ерөнхийлөгч Вашингтонд очиж, АНУ-ын Ерөнхийлөгч Жо Байдентай уулзахаар болжээ.
Вашингтонд хийсэн айлчлал: Байдентай уулзсаныхаа дараа Зеленский ирэх пүрэв гарагт АНУ-ын нийслэлд зочилно. Энэ нь Конгресс Украинд нэмэлт тусламж үзүүлэх тухай Цагаан ордны хүсэлтийг хэлэлцэж байгаа үед тохиож байна. Үүнийг батлах эсэх нь эргэлзээтэй хэвээр байгаа бөгөөд АН энэ асуудлаар ширүүн хуваагдаж маргалдаж байна.
Байдены зорилго: Зеленскийг Цагаан ордонд айлчлах үеэр "Дэлхий дахины төлөө, АНУ, Америкийн ард түмний төлөө Украйн улсыг хамгаалахын тулд Украиныг үргэлжлүүлэн дэмжих амлалтаа дахин нотлохыг АНУ-ын Ерөнхийлөгч зорьж байна". Зеленский, Байден нар НҮБ-ын чуулганд үг хэлнэ.
Байден, Зеленскийн түүх: Долоодугаар сард Литвад болсон НАТО-гийн дээд хэмжээний уулзалтын үеэр хоёр удирдагч биечлэн уулзсан. Үүнээс өмнө тэд тавдугаар сард Японд болсон “Их долоо”-гийн дээд хэмжээний уулзалтын үеэр хэлэлцээ хийж байсан юм. Өнгөрсөн долоо хоногт Энэтхэгт болсон "Их 20"-ийн дээд хэмжээний уулзалтад оролцохыг АНУ дэмжсэн ч Зеленскийг зохион байгуулагчид уриагүй юм. Зеленский хамгийн сүүлд арванхоёрдугаар сард АНУ-д ирсэн бөгөөд ОХУ-ын түрэмгийлэл эхэлснээс хойш анх удаагаа Украиныг орхин гарсан юм.
Бахмутын ойролцоох сөрөг довтолгоо: Зүүн Украин дахь Донецк мужийн гол тосгон болох Клищивкаг эргүүлэн авлаа гэж Зеленский ням гарагт мэдэгдэв. Тус өдрийн өглөө Зеленскийн ажлын алба олон нийтийн сүлжээнд зураг нийтэлсэн нь Украины зүүн зүгт хийж буй сөрөг довтолгоонд чухал үүрэг гүйцэтгэсэн чухал бүсийг Киевийн цэргүүд чөлөөлсөн болохыг харуулж байна.
Москвагийн уулзалт: Хятадын дээд дипломат Ван И энэ долоо хоногт ОХУ-д хийх айлчлалаа. Тэрээр ОХУ-ын Гадаад хэргийн сайд Сергей Лавровтой даваа гарагт Украины дайны талаар хэлэлцэх төлөвтэй байна. Ван, Лавров нар "хоёр талын хамтын ажиллагааны өргөн хүрээний асуудлыг" хэлэлцэх төлөвтэй байгаа бөгөөд үүнд "Украины асуудлыг зохицуулахтай холбоотой асуудлаар нарийвчилсан санал солилцох болно" гэж Оросын ГХЯ мэдэгдэв.
Ким Оросоос явлаа: Хойд Солонгосын удирдагч Ким Жон Ун Орост хийсэн айлчлалаа дуусгах үеэрээ биений хуяг дуулга, нисгэгчгүй онгоцыг бэлэг болгон авсан нь барууныхныг түгшээгээд байна. Түүний Оросын Ерөнхийлөгч Владимир Путинтай хэлэлцээ хийсэн зургаан өдрийн айлчлалын төгсгөлд Умард Солонгос Украиныг довтлоход туслах зэвсэг нийлүүлэх боломжийг нэмэгдүүлсэн юм.
НАТО-гийн тэргүүний анхааруулга: НАТО-гийн Ерөнхий нарийн бичгийн дарга Йенс Столтенберг Украинд "урт удаан дайнд өөрсдийгөө бэлтгэх" ёстойг анхаарууллаа.
Эх сурвалж: CNN
