Металлургийн инженерүүдийг Русал компанийн санхүүгийн дэмжлэгтэйгээр бэлтгэнэ
 
Энэ мэдээ хуучирсан буюу 2023/09/15-нд нийтлэгдсэн мэдээ болно.

Металлургийн инженерүүдийг Русал компанийн санхүүгийн дэмжлэгтэйгээр бэлтгэнэ

/2023.09.15/: Монгол Улсын Уул уурхай, хүнд үйлдвэрийн яам, ОХУ-ын "Русский Алюминий Менеджмент” ХК болон ОХУ-ын Сибирийн холбооны их сургуультай “Оюутан сургах хамтарсан хөтөлбөр хэрэгжүүлэх тухай” гурван талт Харилцан ойлголцлын санамж бичгийг 2023 оны есдүгээр сарын 11-ний өдөр байгууллаа.

Санамж бичигт Монгол Улсын Уул уурхай, хүнд үйлдвэрийн яамны Төрийн нарийн бичгийн дарга Г.Батбаяр, ОХУ-ын "Русский Алюминий Менеджмент” ХК-ийн дэд ерөнхийлөгч Елена Степановна Безденежных, Сибирийн Холбооны Их сургуулийн Ерөнхийлөгч Александр Викторивич Усс нар гарын үсэг зурав.

May be an image of 11 people, newsroom and text

Гарын үсэг зурах ёслолын ажиллагаанд Монгол Улсаас ОХУ-д суугаа Онц бөгөөд Бүрэн эрхт Элчин сайд Ө.Энхтүвшин оролцож, Монгол Улсын аж үйлдвэрлэлийн хөгжилд хувь нэмэр оруулах боломжтой энэхүү төслийг санаачлан хэрэгжүүлэгчдэд баяр хүргэж, төслийн хэрэгжилтэд амжилт хүссэн юм.

Талууд Санамж бичгийн хүрээнд Орос-Монголын хүмүүнлэгийн болон аж үйлдвэрлэлийн харилцааг бэхжүүлэх, Монгол Улсыг техникийн мэргэжилтнүүдээр хангах, соёл, угсаатны зүйн туршлага солилцох зэрэг хамтын ажиллагааг идэвхтэй хөгжүүлэхээр тохиролцлоо.

Эх сурвалж: УУХҮЯ

Агаараас эрэн хайх, аврах Нисэх хүчний нэгжийг шинээр байгууллаа
Агаараас эрэн хайх, аврах Нисэх хүчний нэгжийг шинээр байгууллаа
 
Хамтарсан Засгийн газар анхны хуралдаанаа хийв
Хамтарсан Засгийн газар анхны хуралдаанаа хийв
Энэ мэдээ хуучирсан буюу 2023/09/15-нд нийтлэгдсэн мэдээ болно.