/2023.09.11/: Ховд аймаг, Буянт сумын “Хөх булан” гэдэг газар суудлын 2 автомашин мөргөлдөж, 1 автомашин нь шатсан хэрэг өчигдөр 22:21 цагт болжээ.

Ослын газарт тус аймгийн Онцгой байдлын газрын алба хаагчид очиход Баян-Өлгий аймгаас Ховд аймгийн чиглэлд зорчиж явсан “Приус-20” загварын суудлын 2 зорчигчтой автомашин, Ховд аймгаас Баян-Өлгий аймгийн чиглэлд зорчиж явсан “Приус-20” загварын суудлын 5 зорчигтой автомашинууд хоорондоо мөргөлдсөний улмаас 1 автомашин нь шатаж, автомашины бүхээгт иргэн С 61 настай, эрэгтэй, А 51 настай, эрэгтэй нар хавчуулагдан шатаж нас барсан, 2 дахь автомашины бүхээг дотор Баян-Өлгий аймгийн Улаанхус сумын харьяат иргэн С61 настай, эмэгтэй хавчуулагдаж нас барсан байсныг галыг нь унтрааж, цогцсуудыг гарган тус аймгийн Цагдаагийн газрын бүрэлдэхүүнд шилжүүлэн өгсөн байна.

Ослын улмаас 4 хүн гэмтсэн байсныг эмнэлгийн анхны тусламжийг үзүүлж, аймгийн Нэгдсэн эмнэлгийн Яаралтай тусламжийн тасагт хүлээлгэн өгчээ.

Эх сурвалж: ОБЕГ