/2023.08.22/: Ерөнхийлөгч Володимир Зеленский Нидерланд, Дани улстай F-16 сөнөөгч онгоцуудыг авах "түүхэн" гэрээ байгуулж чадлаа.
Зеленскийн хэлснээр, Нидерланд 42 онгоцыг Киевт өгөх бөгөөд Дани 19 онгоцыг нэмж өгхөөр болсон аж.
Ф-16 сөнөөгч онгоцыг Даниас Украин руу өгөхөөр болсон нь мөргөлдөөнийг хурцатгаж байна гэж Дани дахь Оросын элчин сайд тайлбарлав.
F-16 онгоцууд Украинд: Зеленский Данийн парламентад хандан Киевт F-16 сөнөөгч онгоц өгөхөө амлан тус улсыг дэмжиж байгаад талархал илэрхийлэв. Тэрээр Дани дахь Украины шинэхэн нисгэгчдийг F-16 онгоцонд нэн даруй дахин сургах болно гэжээ. Саяхан сургуулиа төгссөн хэсэг нисгэгчид хоёр жил хүртэлх урт хугацааны хөтөлбөрт хамрагдахаар Их Британи руу явахаар бэлтгэж байна. Грек улс мөн Украины нисгэгчдийг F-16 онгоцонд сургахаа мэдэгджээ.
Купянск хот, нүүлгэн шилжүүлэлт: Оросын арми сүүлийн долоо хоногт Купянск хотын ойролцоо шахалт үзүүлж байна гэж батлан хамгаалахын албаныхан мэдэгдэв. Украины хойд хэсгийн Купянск орчмын иргэдийг нүүлгэн шилжүүлсэн хэвээр байна гэж Украины албаныхан мэдэгдэв. Наймдугаар сарын 9-нөөс хойш 550 гаруй хүнийг нүүлгэн шилжүүлсэн гэж Харьков мужийн цэргийн захиргааны дарга Олех Сыниехубов мэдэгдэв.
Фронтын шугамд: Бахмут хотод Оросын цэргүүд Украины цэргүүдийг зүүн хэсгийн байрлалаас гаргахыг оролдсон ширүүн тулаан үргэлжилсээр байна. Одоогийн байдлаар Украин нийт 42 хавтгай дөрвөлжин километр талбайг эргүүлэн авсан гэж Батлан хамгаалахын дэд сайд Ханна Малиар мэдэгдэв. Донецкт Оросын цэргүүд Авдиевка хотыг бүслэх оролдлого хийсэн ч амжилтад хүрээгүй гэж Малиар мэдэгдэв. Өмнө зүгт Украины цэргүүд Запорожье муж дахь Мелитополь, Бердианск руу довтолгоогоо үргэлжлүүлсээр байна.
ОХУ-д болсон халдлага: Оросын агаарын довтолгооноос хамгаалах зэвсэгт хүчнийхэн даваа гарагийн өглөө Москва мужид хоёр нисэгчгүй онгоцыг устгасан гэж тус улсын Батлан хамгаалах яам мэдээлэв. Хоёр хүн нэг нисгэгчгүй онгоцны үлдэгдэлд өртөж шархадсан гэж тус мужийн захирагч мэдэгдэв. Даваа гарагт тус улсын баруун хэсэгт орших Калуга, Белгород мужуудад нисгэгчгүй онгоцуудыг устгасан байна. Украинаас зүүн хойд зүгт 200 гаруй километрийн зайд орших Оросын цэргийн агаарын баазад нисгэгчгүй онгоцоор дайрсан гэдгээ Украины тал даваа гарагт баталлаа. Өнгөрсөн амралтын өдрүүдэд Украины нисгэгчгүй онгоцнууд улс орон даяар хэд хэдэн халдлага үйлдсэн тухай ОХУ мэдээлж байна.
Эх сурвалж: CNN
