/2023.08.03/: Украины Ерөнхий Прокурорын дэргэдэх Дайны гэмт хэрэгтэй тэмцэх хэлтсээс мэдээлснээр, 2022 оны хоёрдугаар сард Орос улс тус улсад түрэмгийлснээс хойш тус улсад ойролцоогоор 10,749 энгийн иргэн амиа алдаж, 15,599 хүн шархадсан байна.

Амиа алдагсдын тоонд 499 хүүхэд байгаа гэж Украины Ерөнхий прокурорын газрын Дайны гэмт хэрэгтэй тэмцэх газрын дарга Юрий Белоусов Интерфакс-Украйн мэдээллийн агентлагт өгсөн ярилцлагадаа мэдэгдэв.

Украины эзлэгдсэн газар нутгийг чөлөөлсний дараа амь үрэгдэгсдийн тоо "олон дахин өснө" гэж тэр хэллээ.

"Зөвхөн Мариуполь хотод гэхэд л хэдэн арван мянган хүн үхсэн байгаа гэж би бодож байна" гэж Белоусов хэлэв.

Ерөнхий прокурорын газрын тоо НҮБ зэрэг олон улсын байгууллагынхтай ижил байгаа талаар тэрээр мөн хэлсэн байна.

Долоодугаар сарын 7-нд НҮБ "9000 гаруй энгийн иргэн, түүний дотор 500 гаруй хүүхэд" амь үрэгдсэнийг баталсан ч бодит тоо үүнээс илүү байх төлөвтэй байна гэж мэдээлж байсан юм.

Белоусов мөн түүний баг Украинд нэвтэрснээс хойш Оросын арми Украинд үйлдсэн 98 мянган дайны гэмт хэргийг бүртгэжээ.

Эх сурвалж: CNN