/2023.06.23/: Энэтхэгийн зүүн хойд хэсгийн хагас сая орчим хүн хүчтэй аадар борооны улмаас үерт нэрвэгдэж, тосгонууд бүхэлдээ усанд автсан байна.

Ассам мужийн 22 дүүрэгт 495,000 гаруй хүн үерийн усанд нэрвэгдлээ гэж тус улсын гамшгаас хамгаалах албаныхан пүрэв гарагт хийсэн мэдэгдэлдээ дурджээ.

Бүс нутгийг хамарсан аадар бороо орсны улмаас Ассам мужийг дайран урсдаг Беки гол үерлэж, 14,000 орчим хүнийг тусламжийн хуаранд нүүлгэн шилжүүлжээ. Мужийн эрх баригчдын мэдээлснээр одоогийн байдлаар нэг хүн амиа алдсан байна.

Өнгөрсөн жил тус мужид хүчтэй үер, хөрсний гулгалтаас болж дор хаяж 10 хүн нас барсан байна.

Эх сурвалж: CNN