/2023.05.01/: Украины армийн мэдээлснээр, өнөөдөр үүрээр Орос улс Украин руу дахин пуужингийн довтолгоо хийсэн байна.

Цэргийнхний мэдээлснээр довтолгооны бай нь Днепропетровск мужтай хамт зүүн нутгийн Краматорск, Костянтыновка, Павлохрад хотууд байжээ.

Оросууд Украйны цэргүүдийн байрлал, суурин газрууд руу 27 удаа агаарын цохилт өгч, 45 MLRS (олон харвах пуужингийн систем) сум харваснаас, энгийн иргэд амь үрэгдэж, шархадсан байна.

Довтолгоонд амиа алдсан болон шархадсан энгийн иргэдийн тоо, болон байршил одоогоор тодорхой болоогүй байгаа аж.

Мөн даваа гарагийн үүрээр Киев рүү чиглэсэн Оросын пуужингийн довтолгоог Украины агаарын довтолгооноос хамгаалах хүчин няцааж бүх пуужин болон нисгэгчгүй онгоцыг устгасан талаар Киевийн цэргийн захиргааны дарга мэдэгдсэн байна.

Эх сурвалж: CNN