/2022.05.04/: Зоонозын өвчин судлалын салбар үүсч хөгжсөний түүхт 90 жилийн ойд зориулан Монгол Улсын Ерөнхийлөгч У.Хүрэлсүх илгээлт илгээсэн билээ.

Тус илгээлтдээ ЗӨСҮТ нь хүн ардынхаа эрүүл мэндийг сахин хамгаалах ариун үйлсийн тэргүүн эгнээнд ямагт байж, зоонозын шалтгаант халдварт өвчлөлөөс хүн амыг эрт сэрэмжлүүлэх, урьдчилан сэргийлэх, оношлох, хариу арга хэмжээ шуурхай зохион байгуулах үүргээ нэр төртэй биелүүлж ирснийг дурдаж, Toyota маркын “Land 78” загварын түргэн тусламжийн авто машиныг бэлэглэлээ.

Тус авто машиныг ЭМ-ийн сайд С.Энхболд 2022 оны тавдугаар сарын 01-ний өдөр орон даяр эхлэж байгаа “Эрт илрүүлэг, урьдчилан сэргийлэх үзлэг”-ийн нээлтийн үеэр ЗӨСҮТ-ийн ерөнхий захирал Н.Цогбадрахад гардууллаа.

Эх сурвалж: ЗӨСҮТ