/2022.05.03/: Украины өмнөд хэсгийн Мариуполь хотын ойролцоо байрлах “Азовсталь” гангийн үйлдвэрт гацсан хэвээр байгаа 100 том хүн, 20 хүүхдийг нүүлгэн шилжүүлнэ гэж Украины цэргүүд найдаж байна.

Даваа гарагт Азовын дэглэмийн орлогч командлагч Свиатаслав Паламар "Ройтерс" агентлагт өгсөн ярилцлагадаа энгийн иргэдийг хэдэн долоо хоног бүслэлтэд байсны дараа гангийн үйлдвэрээс нүүлгэн шилжүүлэх үед өөрт нь ямар мэдрэмж төрж байсныг хуваалцсан юм.

Паламар, энгийн иргэд гангийн үйлдвэрийг орхиж явахыг хараад "нулимсаа барьж дийлээгүй" гэж хэлээд тэднийг бүслэлтэд байх хугацаанд "мянга мянган хүн нас барсан" гэдгийг онцлон тэмдэглэв.

"Энэ үйлдвэрт байсаар байгаа энгийн иргэдийг гаргаж чадна гэж би найдаж байна. Бид 20 хүүхдийн тухай ярьж байна. Мөн тэнд 100 энгийн иргэн, эмэгтэйчүүд, өндөр настангууд байгаа" гэж Паламар хэлэв.

Украины эрх баригчид даваа гарагт нуранги дор дарагдсан хүмүүсийг аврахаар төлөвлөж байсан ч Оросын цэргүүд зогсолтгүй их буугаар буудаж байсны улмаас үүнийг хийж чадаагүй гэж Паламар хэлэв.

Цаг үеийн мэдээ:

Азовсталийн гангийн үйлдвэр өчигдөр "байнгын довтолгоонд" байна гэв: Бүслэгдсэн Азовсталийн гангийн үйлдвэр дэх Украины цэргүүдийн нэг командлагч хэлэхдээ, цогцолбор даваа гарагийн өглөөнөөс хойш "байнгын галд" байна. Мариуполийн эргүүлийн цагдаагийн дарга Михайло Вершинин CNN-д хэлэхдээ "Улаан загалмайн төлөөлөгчийг явсан өглөөнөөс хойш бид байнгын галд өртөж байна. Их буу, тэнгисийн цэргийн их буунууд зогсолтгүй буудаж байна. Агаарын цохилт байнга өгч байна" гэжээ. Ням гарагт үйлдвэрээс 100 орчим энгийн иргэдийг нүүлгэн шилжүүлсэн ч даваа гарагт хийхээр төлөвлөж буй дараагийн нүүлгэн шилжүүлэлт хийгдээгүй байна.

Өнөөдөр энгийн иргэдийг нүүлгэн шилжүүлнэ гэж хотын зөвлөл мэдэгдэв: Мариуполь хотод мягмар гарагт энгийн иргэдийг нүүлгэн шилжүүлэх ажиллагаа явагдана гэж хотын зөвлөлийн Telegram сувагт мэдээлэв. Мариуполь хотын зөвлөлийн мэдээлснээр НҮБ болон Улаан загалмайн нийгэмлэгийн тусламжтайгаар албан ёсоор тохиролцсон байна. Хэдийгээр Мариуполь хотын иргэдийг нүүлгэн шилжүүлэх боловч уг цуваа Мариуполь хотоос баруун зүгт орших Оросуудад эзлэгдсэн Бердианск хотын ойролцоох тойргоос орон нутгийн цагаар өглөөний 7 цагт хөдлөх ажээ.

Азовсталь гангийн үйлдвэрт 5 орос хүн амь үрэгджээ: Мариуполь дахь Азовсталь гангийн үйлдвэрт довтлож байсан Оросын таван цэрэг амиа алдсан гэж мэдэгдэв. "Азовсталийн нутаг дэвсгэрээс энгийн иргэдийг хэсэгчлэн нүүлгэн шилжүүлсний дараа дайснууд үйлдвэрийн нутаг дэвсгэрт, тэр дундаа энгийн иргэд нуугдаж байгаа барилгуудад агаараас цохилт өгч, тэнгисийн цэргийн их буу, танк ашиглан гал нээсээр байна.

Мариуполийг нүүлгэн шилжүүлж чадсан тухай мэдээллийг АНУ сайшааж байна: АНУ энгийн иргэдийг өмнөд боомт хот болон бүслэлтэд байгаа бусад хотыг орхин гарах боломжийг олгохын тулд үргэлжлэн хүчин чармайлт гаргахыг дэмжиж байна. Төрийн департаментын хэвлэлийн төлөөлөгч Нед Прайс даваа гарагт хэлэхдээ "Сүүлийн хэдэн цагт бидэн харуулж байгаа хүмүүнлэгийн үйл ажиллагаа сайтар шалгахыг хүсч байна. Ингэж байж энэхүү нүүлгэн шилжүүлэлт нь үнэхээр хүмүүнлэгийн зорилготой эсэхийг мэдэж болно. Эс бөгөөс энэ бол Кремлийн өөрсдийгөө эерэгээр харуулах гэсэн оролдлого байх боломжтой" гэв.

Төрийн нарийн бичгийн дарга Тони Блинкен, Батлан ​​хамгаалахын сайд Ллойд Остин, Төлөөлөгчдийн танхимын дарга нар тус бүс нутагт айлчилсан ч АНУ-ын Ерөнхийлөгч Жо Байден Украинд айлчлах төлөвлөгөө одоогоор байхгүй байна гэж Цагаан ордон мэдэгдлээ.

АНУ-ын тагнуулын мэдээлснээр Орос улс "Тавдугаар сарын дундуур" Донецк, Луганск мужуудыг өөртөө нэгтгэхээр оролдоно гэж Элчин сайд хэлэв: Оросууд салан тусгаарлагчдын эзэлсэн Донецк, Луганск бүс нутгийг "Тавдугаар сарын дундуур" өөртөө нэгтгэхээр оролдох болно гэх "маш найдвартай" тагнуулын мэдээллүүд байна гэж мэдэгдлээ. Оросууд Херсон хотод мөн адил "Ардын бүгд найрамдах улс" байгуулахаар төлөвлөж байна гэж Европ дахь Аюулгүй байдал, хамтын ажиллагааны байгууллага дахь АНУ-ын Элчин сайд мэдэгдэв.

Одессагийн эсрэг пуужингийн довтолгооны улмаас амь үрэгдэгсэд: Даваа гарагт "Одесса хотын дэд бүтцийн байгууламжуудын нэг" руу пуужин харвасан гэж Одесса мужийн цэргийн захиргааны дарга Максым Марченко мэдэгдэв. Тэрээр “Харамсалтай нь дайралтын улмаас амиа алдсан болон шархадсан хүмүүс байна. Украины армийн Өмнөд командлалаас "Одесса мужид дахин пуужингийн цохилт өглөө. Хотын дэд бүтцэд цохилт өгсөн. Ялангуяа шашны нэг барилга эвдэрсэн. Хохирогчдын талаарх мэдээллийг тодруулж байна" гэж мэдээлжээ.

Харьковын эргэн тойрон дахь газар нутгаа эзлэхдээ илүү амжилттай байна гэж мэдэгдэв: Украины арми Харьковын хойд болон зүүн хэсэгт орших хэд хэдэн суурин газруудад хяналтаа эргүүлэн авсан нь оросуудад зүүн хойд зүг рүү пуужин болон их буугаар довтлоход хүндрэл учруулж болзошгүй байдалд хүргэлээ. Харьковын хойд хэсэг болох Руска Лозовад "нөхцөл байдал хүндэрч, ихээхэн хохирол амссан ч хяналтдаа буцааж авч чадсан" гэж цэргийнхэн даваа гарагт мэдэгдэв. Түүнчлэн Харьковын зүүн хэсэгт орших Верхня Роханка тосгон Украины мэдэлд орсон бөгөөд ажиллагааг хуурай замын цэргийн командлагч хурандаа генерал Александр Сирский удирдсан гэж цэргийнхэн мөн мэдэгдэв. Сүүлийн хоёр долоо хоногт Украйн зүүн хэсгийн 10 орчим тосгоныг эргүүлэн авч, цэргүүдээ хилээс Изиум хүртэлх Оросын хангамжийн шугамд бага зэрэг ойртуулжээ.

Эх сурвалж: CNN