ЭМЧ: Бүдүүн гэдэсний халдвар үүсгэгч нян-Clostridium difficile халдвар
 

ЭМЧ: Бүдүүн гэдэсний халдвар үүсгэгч нян-Clostridium difficile халдвар

Test restrictions more effective than EHR-based support at reducing C.  difficile testing

/2022.01.14/: Clostridium difficile нь бүдүүн гэдэсний халдвар үүсгэдэг нян юм. Шинж тэмдэг нь суулгалтаас эхлээд амь насанд аюултай бүдүүн гэдэсний үрэвсэлт өвчин үүсгэх эрсдэлтэй.

Clostridium difficile-ийн халдвар нь ихэвчлэн антибиотик хэрэглэсний дараа үүсдэг. Эмнэлэгт урт хугацааны туршид хэвтсэн хүмүүс халдвар авах магадлал ихэсдэг нь судалгаагаар тогтоогдсон. Зарим хүмүүс Clostridium difficile бактерийг гэдсэндээ тээж байдаг ч хэзээ ч өвддөггүй. Эдгээр хүмүүс нян тээгч бөгөөд халдвар тараах боломжтой.

Шинж тэмдэг: Антибиотик эмчилгээ хийлгэж эхэлснээс хойш 5-10 хоногийн дотор шинж тэмдэг илэрдэг. Гэсэн хэдий ч шинж тэмдэг илрэх хугацаа эхний өдөр эсвэл гурван сарын дараа ч байж болно.

Хөнгөн ба дунд зэргийн халдвар

  • Өдөрт гурав ба түүнээс дээш удаа нэг хоногоос дээш хугацаагаар устай суулгалт
  • Хэвлийн бага зэргийн базлалт, эмзэглэл

Хүнд халдвар

Хүнд хэлбэрийн C.difficile халдвартай хүмүүс шингэн алддаг тул эмнэлэгт хэвтэх шаардлагатай болдог. Хүнд хэлбэрийн халдварын шинж тэмдэг нь:

  • Өдөрт 10-15 удаа усархаг суулгалт
  • Хэвлийн базлалт, өвдөлт нь хүчтэй байж болно
  • Зүрхний цохилт олширно
  • Шингэн алдалт ихэснэ
  • Халуурах
  • Дотор муухайрах
  • Цусны цагаан эсийн тоо нэмэгддэг
  • Бөөрний дутагдал
  • Хоолны дуршилгүй болох
  • Хэвлий цардайх
  • Жин хасах
  • Өтгөнөөр цус эсвэл идээ гадагшлана

Хэзээ эмчид үзүүлэх вэ? Хэрэв танд дараах шинж тэмдэг байгаа бол эмчид яаралтай хандаарай

  • Өдөрт гурав ба түүнээс дээш суулгах
  • Шинж тэмдгүүд нь хоёроос дээш хоног үргэлжлэх
  • Халууралт
  • Хэвлийн хүчтэй өвдөлт эсвэл цардайх
  • Өтгөнд цус байх

Шалтгаан

Clostridium difficile бактери амаар дамжин биед нэвтрэн, нарийн гэдсэнд үржиж эхэлдэг. Бүдүүн гэдсэнд хүрэх үед эд эсийг гэмтээдэг хорт бодисыг ялгаруулж чаддаг. Эдгээр хорт бодисууд нь эсийг устгаж, үрэвслийн эсүүд үүсгэж, усархаг суулгалт үүсгэдэг.

  • Хүн эсвэл амьтны ялгадас
  • Бохирлогдсон гадаргуу
  • Бохир гар
  • Хөрс
  • Ус
  • Хоол хүнс, махаар дамжин халдварлана.

Эрсдэлт хүчин зүйлс

Антибиотик эсвэл бусад эм уух Хүний гэдэс 100 их наяд бактерийн эс, 500-аас 2000 өөр төрлийн бактери агуулдаг бөгөөд тэдгээрийн ихэнх нь таны биеийг халдвараас хамгаалахад тусалдаг. Халдварыг эмчлэхийн тулд антибиотик хэрэглэх үед эдгээр эм нь халдварыг үүсгэгч бактериас гадна таны бие дэх зарим ашигтай бактерийг устгах хандлагатай байдаг.

Үүнийг хянах хангалттай бактери байхгүй бол Clostridium difficile хяналтаас гарч хурдан үрждэг. Clostridium difficile халдварыг ихэвчлэн үүсгэдэг антибиотикууд нь:

  • Клиндамицин
  • Цефалоспорин
  • Пенициллин
  • Фторхинолонууд

Ходоодны хүчиллэгийг бууруулахад хэрэглэдэг протоны шахуургын дарангуйлагчид Clostridium difficile -ийн халдвар авах эрсдэлийг нэмэгдүүлдэг.

Оношлогоо Clostridium difficile -ийн халдварыг оношлох нь дараахь шинж тэмдгүүдэд суурилдаг.

  • Суулгалт
  • Өтгөний шинжилгээ
  • Бүдүүн гэдэсний үзлэг

Хүндрэл

  • Шингэн алдалт. Хүнд хэлбэрийн суулгалт нь шингэн, электролитийн алдагдалд хүргэдэг. Энэ нь таны биеийн хэвийн үйл ажиллагаанд хүндрэл учруулж, цусны даралтыг аюултай доод түвшинд хүргэж болзошгүй юм.
  • Бөөрний дутагдал. Зарим тохиолдолд шингэн алдалт маш хурдан тохиолддог тул бөөрний үйл ажиллагаа хурдан мууддаг.
  • Хортой мегаколон. Ийм ховор тохиолдлын үед бүдүүн гэдэс нь хий, өтгөнийг гадагшлуулах чадваргүй бөгөөд энэ нь их хэмжээгээр томордог (мегаколон). Хэрэв эмчлэхгүй бол бүдүүн гэдэс хагарах, түгжрэх магадлалтай. Хортой мегаколон нь үхэлд хүргэж болзошгүй тул яаралтай мэс засал хийх шаардлагатай.
  • Бүдүүн гэдэсний цооролт. Энэхүү ховор эмгэг нь бүдүүн гэдэсний салст бүрхэвчийг их хэмжээгээр гэмтээж эсвэл хорт мегаколоны дараа үүсдэг. Бүдүүн гэдэснээс хэвлийн хөндийд нян асгарах нь амь насанд аюултай халдвар (перитонит) үүсгэдэг.
  • Үхэл. Цаг алдалгүй эмчлэхгүй бол үхлийн аюултай өвчин болж хувирдаг. Урьдчилан сэргийлэх
  • Антибиотикийг шаардлагагүй хэрэглэхээс зайлсхий.
  • Гараа угаах.
  • Хувийн ариун цэврийг маш сайн сахих.

Турк Улс зарим тээврийн хэрэгслийн татварыг нэмэгдүүлжээ
Хятадын нүүрсний импорт 2021 онд 6.6 хувиар өсөв
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.