/2022.01.10/: Вакцинд эргэлзэгчид болон бусад хүмүүс COVID-ийн хязгаарлалтад дургүйцэж, Брюссель, Прага болон Европын бусад хотуудад эсэргүүцлийн жагсаал хийлээ.
ЕХ даяар Омикроны тохиолдол нэмэгдэж байгаа бөгөөд мэргэжилтнүүд вакцин хийлгээгүй хүмүүс эрсдэлтэй байгааг анхааруулж байна.
Ням гарагт Бельги, Чех Улсад олон мянган хүн коронавирусын хязгаарлалтыг эсэргүүцсэн жагсаалд оролцсон бол Герман Улс, Вена хотуудад бямба гарагт дахин эсэргүүцлийн жагсаал болжээ.
Европын улс орнуудын засгийн газрууд илүү хатуу хязгаарлалт, шинэ дүрэм журам хэрэгжүүлэх, COVID-ийн вакцин хийлгэх, нэмэлт тунд хамрагдахыг уриалсан энэ амралтын өдрүүдийн эсэргүүцлийн жагсаал Европын Холбоо даяар үргэлжиллээ.
Халдвар ихтэй омикроны хувилбар нь тохиолдлын тоог нэмэгдүүлж байгаа бөгөөд халдварт өвчин судлалын мэргэжилтнүүд болон эмнэлгийн ажилтнууд халдварын өсөлт, ялангуяа вакцинд хамрагдаагүй хүмүүсийн дунд их байгаа бөгөөд эмнэлгүүдийн ачааллыг нэмэгдүүлж болзошгүйг анхааруулж байна.
DW энэ амралтын өдрүүдэд болсон эсэргүүцлийн жагсаалыг тоймлов.
- Бельги
Бельгийн нийслэл Брюссель хотноо ням гарагт болсон эсэргүүцлийн жагсаалд ойролцоогоор 5000 орчим хүн оролцсон байна.
Жагсагчид "вакциныг дарангуйлал" гэж буруутгаж, зоогийн газар, баар болон бусад соёлын арга хэмжээнд нэвтрэхэд COVID -ын хэд хэдэн шаардлага тавьсанд уурласан лоозон барьжээ.
Ням гарагт болсон жагсаал Брюссельд болсон өмнөх COVID-ийн эсрэг жагсаалаас бага бөгөөд хүчирхийлэл багатай байжээ. Жагсаалын өмнө салют барьсан 11 хүнийг баривчилсан бол жагсаалын төгсгөлд хэсэг бүлэг хүмүүс цагдаа нар руу "хаймран сум" харвасны дараа дахин 30 хүнийг баривчилжээ.
Бельгид 12 дугаар сарын 30-наас нэгдүгээр сарын 5-ны хооронд вирусын шинэ тохиолдлын тоо өмнөх долоо хоногтой харьцуулахад 96 хувиар нэмэгдэж, мөн хугацаанд эмнэлэгт хэвтсэн хүний тоо 28 хувиар өссөн байна.
- Чех
Прага хотод ням гарагт олон мянган хүн COVID-19 вакциныг тодорхой насны бүлэг, мэргэжлээр заавал хийлгэх гэсэн шаардлагыг эсэргүүцэн жагсжээ.
Цугласан олны дийлэнх нь Чехийн далбааг барин нийслэлд жагсаж, COVID-ийн вакциныг эсэргүүцэж байсан бол бусад нь "Эрх чөлөө, эрх чөлөө" гэж хашгирч байжээ.
Чехийн засгийн газар 60-аас дээш насны хүмүүст COVID-ийн эсрэг вакцин заавал хийлгэх, эмнэлгийн ажилтнууд, анагаахын оюутнууд, цагдаа, гал сөнөөгчдийг заавал вакцинжуулах арга хэмжээнд хамрагдах хэрэгтэй гэж үзэж байна.
Албадан вакцинжуулалтын бодлогыг 12 дугаар сарын эхээр тухайн үеийн Ерөнхий сайд Андрей Бабисын засгийн газар гаргажээ. Дараа нь түүний засгийн газрыг Ерөнхий сайд Петр Фиалагийн удирдлага дор таван намын шинэ эвсэлээр сольсон.
Шинэ засгийн газар одоо 60-аас дээш насныхны вакцинд заавал хамрагдах гэсэн шаардлагыг цуцлах талаар хэлэлцэж байгаа ч тодорхой мэргэжлийн хүмүүсийг заавал вакцин хийлгэх шаардлагыг хэвээр үлдээхийг үгүйсгээгүй байна.
- Герман
Германы Гамбург, Франкфурт, Дюссельдорф, Кобленц зэрэг олон хотуудад өнгөрсөн бямба гаригт COVID-ийн хязгаарлалтыг эсэргүүцсэн эсэргүүцлийн жагсаал болжээ.
Хойд нутгийн Гамбург боомт хотод 13,000 гаруй хүн жагсаалд оролцсон бөгөөд зарим нь эмнэлэг, асрамжийн газарт ажиллаж буй хүмүүст саяхан батлагдсан вакцины каавал хийлгэх шаардлагыг эсэргүүцсэн байна.
Эсэргүүцлийн ихэнхийг Querdenker (хөндлөнгийн сэтгэгч) гэж нэрлэгддэг хүмүүс зохион байгуулсан бөгөөд энэ нь COVID-ийн хямралын үеэр гарч ирсэн эсэргүүцлийн хөдөлгөөн бөгөөд вирусын тархалтыг зогсоох зорилготой COVID-ийн вакцин болоод хязгаарлалтыг эсэргүүцдэг ажээ.
Бямба гарагт Германы хэд хэдэн хотод мөн эсэргүүцлийн жагсаал болсон.
Баруун зүгийн Минден хотод 2,500 орчим хүн орон нутгийн улстөрчийн гэрийн гадаа хүмүүс гинжин хэлхээ үүсгэж КОВИД-ын эсрэг жагсагчээ.
Зүүн Дрезден хотод 3,500 гаруй хүн тус бүс нутагт КОВИД-ын хязгаарлалт болон вакцины эсрэг болсон чимээгүй жагсаалд оролцсон байна. Тэд мөн хотын Фрауенкирхе сүмийн гадаа лаа асааж, COVID-19-ийн улмаас нас барсан хүмүүсийг дурсав.
- Австри
Австрийн нийслэл Вена хотод засгийн газрын коронавирусын хязгаарлалтыг эсэргүүцсэн олон нийтийн жагсаал амралтын өдөр дахин боллоо.
Бямба гарагт 40,000 орчим хүн засгийн газрын COVID-ийн эсрэг вакцины ерөнхий чиг үүргийг хэрэгжүүлэх төлөвлөгөөг эсэргүүцэж жагсаал хийлээ.
Баасан гарагт вирусын шинжилгээгээр эерэг хариу авсан Австрийн канцлер Карл Нехаммер бүрэн эрхээ хэрэгжүүлэх бодолтой байгаагаа бөгөөд хоёрдугаар сарын 1-нээс хэрэгжүүлж эхлэхээр болсон мэдэгдэв.
Австри улс Европын олон орны нэгэн адил омикрон хувилбараас үүдэлтэй халдварын өсөлттэй тэмцэж байна. Тус улс саяхны хөл хорионы үеэр шинэ халдварын тархалтыг удаашруулж чадсан ч хатуу хязгаарлалтыг цуцалснаас хойш тохиолдол хурдацтай нэмэгджээ.
Эх сурвалж: dw
