/2022.01.04/ Улсын хэмжээнд 2021 онд хүнд гэмт хэрэг 20,5 хувиар буурсан, илрүүлэлт 4.9 хувиар өсжээ. Хүнд гэмт хэрэгт хүн амины хэрэг, хүчин, дээрэмдэх гэмт хэрэг багтдаг байна.

Өнгөрсөн онд хүний амь насыг хохироосон гэмт хэрэг 178 бүртгэгдэж, өмнөх оны мөн үеэс 12 хэргээр буюу 6,3 хувиар буурсан үзүүлэлттэй байна.

Мөн дээрэмдэх гэмт хэрэг 342 үйлдэгдэж өмнөх оны мөн үеэс 62 хэргээр буюу 15,3 хувиар буурчээ.

Харин хүчиндэх гэмт хэрэг 409 үйлдэгдэж өмнөх оны мөн үеэс 22 хэрэг буюу 5,7 хувиар өссөн байна.