/2021.12.30/ УИХ-ын чуулганы нэгдсэн хуралдаанаар цар тахлын хуулийг сунгах тухай хэлэлцлээ.

Энэ үеэр Эрүүл мэндийн сайд С.Энхболд, "Омикрон хувилбарыг Монголд бүрэн оношилж чадна. PCR оношлуураар эхний баримжаа сэжиг авах боломжтой. Дараа нь био аюулгүй байдлын гуравдугаар зэргийн лаборториор геномын дараалал тогтоох бүрэн боломжтой болсон. Энэ долоо хоногийн сүүлээр эхний хариунууд гарч ковид-19-ын яг ямар хувилбар илэрч байгаа талаарх мэдээллийг өгч эхэлнэ. Ялангуяа цар тахал эхэлснээс хойш вирусын 90 гаруй судалгааны ажил хийсэн. Урьдчилсан судалгаанууд амжилттай хийгдэж байна" гэв.