/2021.12.30/ УИХ-ын нэгдсэн хуралдаанаар Цар тахлын тухай хуулийг сунгах асуудлыг хэлэлцэж байна.

Хэлэлцэж буй асуудалтай холбогдуулан гишүүд асуулт асууж үг хэлж байна.

УИХ-ын гишүүн Б.Дэлгэрсайхан: Цар тахлын хуулийг сунгах нь зөв. Өвчин хэлж ирдэггүй хийсч ирдэг. Төсвийн захиран зарцуулагчдад эрхийг нь олгох ёстой. Чуулган завсарлах гэж байна. Засгийн газар төсвөө байж байгаад Их хурлаар оруулвал хэзээ ажлаа хийх вэ? Гэнэтийн гэнэтийн зүйл их байна. Зургаан сар сунгаад өвчний байдлаа харах нь зөв байх. АН-ынхан шоолж байгаа байх. Бид л өөрсдөө энэ Засгийн газраа байгуулсан шүү дээ. Бүх юмыг хардаад байж болохгүй.

Энэхүү хуулийг сунгах эсэх тухай асуудал УИХ-ын гишүүдийн дунд ихээхэн маргаантай үргэлжилж байна.