/2021.12.24/: Өмнөд Африкт омикроны дэгдэлт дээд цэгтээ хүрсэн гэж тус улсын шилдэг шинжлэх ухааны судлаачдын нэг мэдэгдэв.
Өмнөд Африкийн Шинжлэх ухаан, аж үйлдвэрийн судалгааны зөвлөлийн (CSIR) ахлах судлаач Ридхваан Сулиман лхагва гарагт CNN-д өгсөн ярилцлагдаа, тус улс "хүн ам ихтэй муж, голомт болох Гаутенгд халдвар их хэмжээгээр буурсантай холбоотойгоор Омикроны дэгдэлтийн оргил үеийг давлаа" гэж мэдэгджээ.
Үүнийг тус улсын Халдварт өвчин судлалын үндэсний хүрээлэнгийн (NICD) шилдэг эрдэмтдийн нэг Мишель Грум лхагва гарагт хийсэн хэвлэлийн бага хурал дээр хэлэхдээ, бүх үзүүлэлтүүд "Гаутенг дахь халдварын оргил үеийг давсан" болохыг харуулж байна гэжээ.
12 дугаар сарын 18-ны байдлаар Өмнөд Африкт Ковид-19-ийн шинэ тохиолдлын тоо 20.8 хувиар буурсан гэж NICD-ийн лхагва гарагт нийтэлсэн тархвар судлалын товч мэдээнд дурджээ.
Тус улсын бусад ихэнх мужууд оргил үеээ давсан гэж Сулиман хэлэв.
NICD-ийн мэдээллээс харахад сүүлийн долоо хоногт Баруун хойд мужид бүртгэгдсэн тохиолдлын тоо 23% буурсан.
NICD-ийн мэдээллээр Лимпопо мужид сүүлийн долоо хоногт бүртгэгдсэн тохиолдлын тоо 14%, Мпумаланга мужид 6% буурсан байна.
Omicron хувилбар нь дэлхийн олон улс оронд, тэр дундаа АНУ-ын бүх мужид илэрсэн хэвээр байгаа юм. Үүний зэрэгцээ Европын орнууд шинэ хувилбараас үүдэлтэй энэхүү хамгийн сүүлийн үеийн давалгаатай тэмцэхийн тулд Ковид хязгаарлалтыг дахин хэрэгжүүлж эхлээд байна.
Өмнөд Африкийн Анагаах Ухааны Нийгэмлэгийн үндэсний хороон дарга, Омикронтой өвчтөнүүдийг эмчилсэн анхны эмч нарын нэг Доктор Анжелика Коетзе Даваа гарагт CNN-ийн "Шинэ өдөр" нэвтрүүлэгт оролцохдоо Өмнөд Африк "муруйг давсан" гэж хэлээд Гаутенг мужийн халдварын тоо "доод түвшинөөс бага зэрэг өндөр байгааг" онцолжээ.
Сулиман тус улсын дөрөв дэх давалгааг өмнөх үеийнхээс "илүү богино" хугацаанд "огцом" болоод өнгөрсөн гэж тодорхойлж, "Өмнөд Африкийн өмнөх давалгаатай харьцуулахад оргил үедээ хагас өдөрт хүрсэн" гэж твиттер хуудсанд бичжээ.
Сулиманы хэлснээр, шинжилгээний эерэг үзүүлэлт "29.8% өндөр хэвээр байгаа ч энэ тоо аажмаар буурч байгааг нь судалгаагаар батлагджээ.
Хэдийгээр "үхлийн тоо бага зэрэг нэмэгдэж" байгаа ч энэ үзүүлэлт Дельта хувилбартай харьцуулахад "нилээд бага" байна гэж Өмнөд Африкийн вакцин судлаач Шабир Махди лхагва гарагт CNN-д ярьжээ.
Сулиман хэлэхдээ, энэ давалгааны улмаас эмнэлэгт хэвтэх, нас барах нь "өмнөх давалгаануудтай харьцуулахад мэдэгдэхүйц бага" байна гэв.
Өмнөд Африкийн эрдэмтэд энэ сарын эхээр Omicron хувилбарыг анх олж илрүүлсэн нь дэлхийн бусад улс орнуудад түгшүүрийн дохио өгөөд байсан юм.
Эх сурвалж: CNN
