/2021.12.16/ Улсын Их Хурлын Нийгмийн бодлогын байнгын хорооны арванхоёрдугаар сарын 14-ний хуралдаанаар тамхины хяналтын тухай хуулийн хэлэлцүүлэг болсон юм. Энэ үеэр УИХ-ын гишүүн П.Анужин:

- "Бид тамхины тухай ярьж байгаа бол хүүхэд, монголын ирээдүйн үеэ алдчхаад байгаа шингэн тамхины талаар ярьмаар байна. Үүнийг өнөөдөр шөнө сууж байгаад ч хамаагүй шийдмээр байна. Монгол ээж аав, төрийн хүн бүхэн шингэн тамхины хор уршгийг мэдэж байгаа. Үүнийгээ нэг хууль болгоод ойлгомжтойгоор багцалмаар байна.

Айлын гэрийн гадаа приус машинаар хүргэж өгөөд хүүхдийн тань уушгийг хордуулаад байна. Янжуур тамхи татаж байгаа юм шиг гашуун амт байхгүй, амтлаг чихэрлэг янз бүрийн амттай учраас хүүхдүүд хэмжээ дамжаагүй татаад уушги нь цоорох янз бүрийн асуудал гарч байна" гэв.