/2021.12.14/ Хэнтий аймгийн Галшар сумын Оч багийн “Зүүн-Өлзийт” гэдэг газар тус сумын харьяат малчин А арванхоёрдугаар сарын 8-ны 01:00 цагийн орчим гэрээсээ гараад сураггүй болсон тухай мэдээллийг энэ сарын 11-ний өдрийн 11:20 цагт Онцгой байдлын газар хүлээн авчээ.

Тус аймгийн Бор-Өндөр сум дахь Онцгой байдлын хэлтсийн Гал түймэр унтраах, аврах 49 дүгээр ангийн алба хаагчид болон ар гэрийнхэн нь эрэн хайх ажиллагааг өчигдөр өдрийн 09:00 цагаас 15:30 цаг хүртэл зохион байгуулсан байна.

Эрэн хайх ажиллагааны үр дүнд иргэн А /45 настай, эрэгтэй/-ын цогцсыг олж, Галшар сумын Цагдаагийн хэсгийн төлөөлөгчид шилжүүлэн өгчээ.

Эх сурвалж: ОБЕГ