/2021.12.08/: Москвагийн зүүн өмнөд хэсэгт байрлах Рязанскийн олон нийтийн төвд нэгэн эр гал нээж хоёр хүн нас барж, дөрвөн хүн шархадсан байна.

Юу болсон бэ?

• Хууль сахиулах байгууллагын мэдээлснээр халдлага үйлдсэн этгээд халдлагыг төлөвлөсөн байсан: тэрээр барилга руу орж, маск зүүхээс татгалзаж, үүднээс буудаж эхэлсэн. Байлдааны буу болгон хувиргасан гар буунаас буудсан гэж эх сурвалж хэлэв.
• Тус төвийн ажилтан, хамгаалагч хоёр амь үрэгдсэн талаар хууль хяналтын байгууллагаас тодруулахад дөрвөн хүн гэмтэж бэртсэн бөгөөд гурван том хүнийг Н.В.Склифосовский нэрэмжит эмнэлэг рүү, 10 настай охиныг - Морозовын нэрэмжит хүүхдийн клиникийн эмнэлэгт хүргэсэн. Тэдний биеийн байдлыг хүнд гэж үнэлэгдсэн ч хүзүүндээ шархадсан охины хагалгаа амжилттай болсон байна.
• Буудсан этгээдийг саатуулсан бөгөөд тэр бас хутгатай явж байжээ. Түүнийг ОНТ-д ажиллаж байсан цагаачлалын асуудал хариуцсан Дотоод хэргийн яамны ажилтан саатуулж чадсан ба баривчлах үеэр тэр хүн эсэргүүцэл үзүүлсэн.
• Баривчлагдсан 45 настай Сергей Глазов нь эх сурвалжийн мэдээлснээр 2010 онд цэргээс халагдсан байна. Зарим Telegram сувгуудын мэдээлсэн тэсрэх төхөөрөмжийг түүнээс олоогүй байна.
• Эх сурвалжийн мэдээлснээр ОНТ нь дохиоллын товчлуураар тоноглогдоогүй бөгөөд хамгаалалтыг хувийн хамгаалалтын байгууллага гүйцэтгэдэг байна. Гэсэн хэдий ч Раковагийн хэлснээр Москвагийн бүх олон нийтийн төвүүд дохиоллын товчлуураар тоноглогдсон байдаг ажээ.
• Оройн 20:00 цагийн орчим төвийн зарим ажилчид барилга дотор байсан. Цагдаа нар барилгын гол орц орчмын бүсийн хамгаалалтыг буулгаж, эргэн тойронд нь улаан, цагаан тууз үлдээсэн. ОНТ рүү Онцгой байдлын яамны сэтгэл судлаачид ажиллахаар оржээ.
• Буудсан этгээд ОНТ-д цахилгаан дугуйгаар ирсэн бөгөөд мөрдөн байцаагчид тээврийн хэрэгслийг нь шалгажээ.

Авч буй арга хэмжээ:

• Мөрдөн байцаах хороо хүн амины хэрэг, хууль бус зэвсгийн наймаа зэрэг зүйл ангиар эрүүгийн хэрэг үүсгэсэн ба ойрын хугацаанд буудсан этгээдийг Мөрдөн байцаах хороонд байцаахаар аваачна. Мөн сэтгэцийн эмчийн үзлэгт оруулах юм байна.
• Мөрдөн байцаах хорооны дарга Александр Бастрыкин буудалцаантай холбоотой мөрдөн байцаалтын ажиллагааны тайланг гаргаж өгөхийг хүсжээ.
• Сужигтэн этгээдийн гэрт мөрдөн шалгалтын ажиллагаа явагдаж байгаа бөгөөд сапёрууд ОНТ-ийн барилгыг шалгаж байгаа ажээ.
• Онц байдал зарласан газарт Москва дахь Мөрдөн байцаах хорооны Мөрдөн шалгах ерөнхий газрын дарга Андрей Стрижов ажиллаж байна.
• Нийслэлийн прокурорын газраас эрүүгийн хэргийн мөрдөн байцаалтын явц, үр дүнг хяналтандаа авчээ.
• Москва дахь хүний ​​эрхийн асуудал хариуцсан мэргэжилтэн Татьяна Потяева нөхцөл байдлыг хяналтандаа байлгаж, холбогдох өргөдлийг прокурорын газар, Дотоод хэргийн яаманд илгээсэн байна.
• Хотын дарга Сергей Собянин амь үрэгдэгсэд болон хохирогчдын ар гэрийнхэнд эмгэнэл илэрхийлэв.
• Гэмт хэрэгтнийг саармагжуулж, саатуулсан цагдаад ОХУ-ын Дотоод хэргийн яамны тэргүүн Владимир Колокольцев шагнал гардуулна.

Эх сурвалж: tass.ru