/2021.11.30/ Орхон аймгийн нэгэн сумын 5 давхар байрнаас "цонхоор хүн унах гэж байна" гэсэн дуудлагыг энэ сарын 29-ний өдрийн 14:27 цагт ОБЕГ хүлээн авчээ.

Тус аймгийн Онцгой байдлын газрын Эрэн хайх, аврах ангийн алба хаагчид 2.5 км зам туулан 14:30 цагт очиход 42 настай, эмэгтэй иргэн О нь 5 давхрын цонхоор үсрэх гэж байсныг аврах олс ашиглан эсэн мэнд буулгаж аймгийн Цагдаагийн газрын мөрдөгчид хүлээлгэн өгсөн байна.

Эх сурвалж: ОБЕГ