/2021.11.27/ Улсын онцгой комисс цаг үеийн асуудлаар өнөөдөр 11.00 цагаас эхлэн хуралдсан. Тус хуралдаанаас гарсан шийдвэртэй холбоотойгоор Шадар сайд С.Амарсайхан сэтгүүлчдийн асуултад хариуллаа.

-Ковид-19-ын шинэ хувилбартай холбоотойгоор байгууллагуудын шинэ жил зохион байгуулах болон ААН-үүдийн үйл ажиллагаанд хязгаарлалт хийх уу?

-Дотоодод хөл хорио тогтоох, хязгаарлалтын арга хэмжээ авах асуудал яригдаагүй. Цаашид ямар нөхцөл байдал, хүндрэл, эрсдэл үүсэхийг хэлж мэдэхгүй байгаа учир тухайн цаг үед нь шаардлагатай, хатуу арга хэмжээг авахыг үгүйсгэхгүй. Өнөөдрийн байдлаар бизнес эрхлэгч байгууллагууд, ААН-үүдийн үйл ажиллагааг үргэлжлүүлэх байр суурьтай байна.