/2021.11.27/ БЗД-ийн 26-р хороо Дүнжингарав худалдааны төвийн баруун талын замд өчигдөр буюу арваннэгдүгээр сарын 26-ны 18.00 цагт зам тээврийн ноцтой осол гарчээ.

Тодруулбал, Ниссан Икстрал маркийн автомашины жолооч нь согтууруулах ундааны зүйл хэрэглэсэн үедээ /2.57 хувийн согтолттой/ замын хөдөлгөөнд оролцож явсан 4 автомашиныг мөргөж, 3 хүн гэмтээжээ.

Иймд иргэд жолооч та бүхэн архи, согтууруулах ундааны зүйл хэрэглэсэн үедээ автомашин жолоодохоос татгалзаж, өөрийн болон бусдын амь нас, эрүүл мэнд, эд хөрөнгөнд хохирол учруулахгүй байхыг анхааруулж байна.