/2021.11.27/ Хөвсгөл аймгийн Алаг-Эрдэнэ сумаас Төмөрбулаг сумын харьяат иргэн Э арваннэгдүгээр сарын 18-ны өдрийн 11:00 цагийн үед гэр рүүгээ мотоциклоор яваад сураггүй болсон тухай дуудлагыг энэ сарын 24-ний өдрийн 11:55 цагт ОБЕГ хүлээн авсан байна.

Тус аймгийн Онцгой байдлын газар, сумын Цагдаагийн хэсгийн алба хаагчид, сумын Засаг даргын Тамгын газрын ажилтнууд иргэн 19 настай, эрэгтэй Э-г эрэн хайх ажиллагааг 4 бүлэгт хуваагдан зохион байгуулжээ.

Эрэн хайх ажиллагааны үр дүнд өчигдөр буюу арваннэгдүгэээр сарын 26-ны өдрийн 13:08 цагт тус сумын Цагаанбургас багийн “Хавиргын даваа” гэдэг газраас цогцсыг олж Цагдаагийн байгууллагад шилжүүлэн өгсөн байна.

Алга болсон иргэн модноос дүүжлэгдэж нас барсан байдалтай байжээ.