/2021.11.24/ Баян-Өлгий аймгийн Өлгий сумаас Увс аймгийн Улаангом чиглэлд автомашинтай зорчиж явсан 1 иргэн сураггүй болсон тухай дуудлага энэ сарын 23-ны өдрийн 23:30 цагт ОБЕГ-т иржээ.

Дуудлагын дагуу тус аймгийн Онцгой байдлын газар, Увс аймгийн Бөхмөрөн сум дахь Цагдаагийн хэсгийн алба хаагчид, ар гэрийнхэн Баян-Өлгий аймгийн Өлгий сумын харьяат иргэн Р /33 настай, эрэгтэй/-ыг эрэн хайх ажиллагааг зохион байгуулсан байна. Эрэн хайх ажиллагааны үр дүнд 02:00 цагт Увс аймгийн Бөхмөрөн сумын Гурван жигэртэй багийн “Хөх сайр” гэдэг газраас тухайн иргэний автомашиныг олжээ. Эрэн хайх ажиллагаа үргэлжилж байна.

Эх сурвалж: ОБЕГ